జాతీయ వార్తలు
పళనిని బర్తరఫ్ చేయాలి
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, ఆగస్టు 22: తమిళనాడు ముఖ్యమంత్రి పళనిస్వామిని బర్తరఫ్ చేయాలని టిటివి దినకరన్ వర్గం ఎమ్మెల్యేలు మంగళవారం గవర్నర్ సిహెచ్ విద్యాసాగర్‌రావును కలిసి డిమాండ్ చేశారు. పళనిస్వామి సిఎం పదవికి అనర్హుడని, ఎమ్మెల్యేల విశ్వాసాన్ని కోల్పోయారని వారు ఆరోపించారు. పళనిస్వామి, పన్నీర్ సెల్వం వర్గాల విలీనం అనైతికమని వారు గవర్నకు ఫిర్యాదు చేశారు. ‘ముఖ్యమంత్రి పళనిస్వామిపై మాకు విశ్వాసం లేదు. ప్రభుత్వంపై అవినీతి ఆరోపణలు చేసిన పన్నీర్ సెల్వంకు ఉప ముఖ్యమంత్రి పదని ఎలా కట్టబెడతారు? తక్షణం పళనిని సిఎం పదవి నుంచి బర్తరఫ్ చేయండి’ అని దినకరన్ వర్గం ఎమ్మెల్యేలు డిమాండ్ చేశారు. 122 మంది అన్నాడిఎంకె ఎమ్మెల్యేలు మద్దతు ఇస్తేనే పళనిస్వామి ముఖ్యమంత్రి అయ్యారని ఓ శాసన సభ్యుడు తెలిపారు. రెండు గ్రూపులను విలీనం చేయాలనుకున్నప్పుడు ఎమ్మెల్యేలందరితో సంప్రదింపులు జరపాలని, అలాంటిది ఎవరితోనూ చర్చించకుండా పళనిస్వామి ఏకపక్షంగా వ్యవహరించారని గవర్నర్ దృష్టికి తెచ్చారు. ‘పళనిస్వామి తీరును గవర్నర్‌కు విన్నవించాం. తక్షణమే పదవి నుంచి బర్తరఫ్ చేయాలని డిమాండ్ చేశాం’ అని వారన్నారు. ధర్మయుద్ధం అంటూ గతంలో బీరాలు పలికిన పన్నీర్ సెల్వం పదవికి ఆశపడే విలీనం ప్రతిపాదన తెచ్చి డిప్యూటీ సిఎం పదవి కొట్టేశారని దినకరన్ వర్గం ఎమ్మెల్యేలు ఆరోపించారు. దినకరన్ వర్గం ఎమ్మెల్యేలు గవర్నర్‌తో భేటీ అయిన విషయాన్ని రాజ్‌భవన్ వర్గాలు ధ్రువీకరించాయి. అయితే చర్చల సారాంశాన్ని మాత్రం వారు వెల్లడించలేదు. అలాగే గవర్నర్‌ను కలిసి ఎమ్మెల్యేల వివరాలూ తెలపలేదు. ఇలాఉండగా సోమవారం దినకరన్ అధ్యక్షతన జరిగిన సమావేశానికి 18 మంది ఎమ్మెల్యేలు హాజరయ్యారు. ఈ సమావేశం దినకరన్ నివాసంలోనే జరిగింది.
చిత్రం..గవర్నర్‌ను కలిసి వెలుపలకు వస్తున్న దినకరన్ వర్గం ఎమ్మెల్యేలు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.