జాతీయ వార్తలు
పైరసీలు, కాపీరైట్లు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 22: దేశంలో ఉగ్రవాద సంస్థలకు నిధులు సమకూర్చటానికి, మనీ లాండరింగ్ వంటి వ్యవహారాలకు పైరసీ, కాపీరైట్ చట్టాల ఉల్లంఘన కూడా ప్రధాన వనరులుగా మారుతున్నాయని కేంద్రమ హోంమంత్రి రాజ్‌నాథ్‌సింగ్ అన్నారు. దేశంలో అన్ని పోలీసు శిక్షణా కళాశాలల్లో మేధో సంపన్న హక్కుల (ఐపిఆర్)కు సంబంధించి ప్రత్యేక కోర్సును మంగళవారం ప్రకటించిన సందర్భంగా రాజ్‌నాథ్ ప్రసంగించారు. ఐపిఆర్, పైరసీ చట్టాలను కఠినంగా అమలు చేయాల్సిన అవసరం ఉందని ఆయన పిలుపునిచ్చారు. ఐపిఆర్ అమలుకు సంబంధించి జాతీయ వర్క్‌షాప్ కూడా ఇక్కడ జరిగింది. ఈ వర్క్‌షాప్‌లో ఆయన కీలకోపన్యాసం చేశారు. ఈ రెండు చట్టాల ఉల్లంఘనను తేలిగ్గా తీసుకోరాదని, ఇవి ప్రజల సురక్ష, భద్రతలతో ప్రత్యక్షంగా ముడిపడి ఉన్న అంశాలని ఆయన పేర్కొన్నారు. నేరగాళ్లు, ఉగ్రవాదులు అక్రమ నిధులను సమకూర్చుకునే మార్గాలుగా ఇవి ఉపయోగపడుతున్నాయని ఆయన హెచ్చరించారు. కేంద్ర వాణిజ్యశాఖ ఈ వర్క్‌షాప్‌ను ఏర్పాటు చేసింది. మూడురోజులపాటు జరిగే ఈ వర్క్‌షాప్‌లో కేంద్ర హోం మంత్రిత్వ శాఖ ఐపిఆర్ చట్టంలో ఏర్పాటు చేసిన నిబంధనల గురించి రాజ్‌నాథ్ వివరించారు. ‘ఈ చట్టం గురించి పోలీసు అధికారులు పూర్తి అవగాహనతో ఉండాలి. ఇందుకోసం ఒక ప్రత్యేక కోర్సును అన్ని శిక్షణ కళాశాలల్లో ప్రవేశపెడుతున్నాం. తగిన సౌకర్యాలు ఏర్పాటు చేస్తున్నాం’ అని ఆయన ప్రకటించారు. ఫార్మా, సాఫ్ట్‌వేర్ వంటి రంగాలు కూడా తీవ్రమైన భద్రతాపర ముప్పును ఎదుర్కొంటున్నాయని రాజ్‌నాథ్ తెలిపారు. ‘ప్రైవేట్ హక్కులతోపాటు పైరసీ కార్యకలాపాలు తీవ్రమైన వ్యవస్థాగత నేరాలకు కారణమవుతున్నాయి. నేరగాళ్లు, టెర్రరిస్టులు అక్రమ సంపాదనకు వీటిని ఉపకరణాలుగా వాడుకుంటున్నారు’ అని ఆయన అన్నారు. దేశంలో శాంతిభద్రతల పరిస్థితిని చక్కబెట్టడానికి పోలీసు బలగాలను వేగంగా ఆధునీకరిస్తున్నామని ఆయన అన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.