జాతీయ వార్తలు
బలపరీక్షకు ఆదేశించండి
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, ఆగస్టు 27: తమిళనాడులోని అధికార అన్నా డిఎంకె ఎమ్మెల్యేల్లో ఒక వర్గం తిరుగుబాటు బావుటా ఎగురవేసినందున శాసనసభలో ముఖ్యమంత్రి కె.పళనిస్వామి మెజార్టీని నిరూపించుకోవాలని ప్రతిపక్షాలు డిమాండ్ చేశాయి. డిఎంకె నేతృత్వంలోని ప్రతిపక్ష పార్టీల ప్రతినిధి బృందం ఆదివారం తమిళనాడు గవర్నర్ సిహెచ్.విద్యాసాగర్ రావును కలసి ఈ మేరకు పళనిస్వామిని ఆదేశించాలని విజ్ఞప్తి చేసింది. ఈ భేటీ ముగిసిన అనంతరం డిఎంకె నేతలు మాట్లాడుతూ, ఈ విషయమై గవర్నర్ నిర్ణీత వ్యవధిలోగా చర్యలు చేపట్టకపోతే రాష్టప్రతి రామ్‌నాథ్ కోవింద్ వద్దకు వెళ్లేందుకు సైతం వెనుకాడేది లేదని, అవసరమైతే న్యాయస్థానాన్ని కూడా ఆశ్రయిస్తామని స్పష్టం చేశారు. ఎఐఎడిఎంకె డిప్యుటీ చీఫ్ టిటివి.దినకరన్‌కు విధేయులైన 19 మంది ఎమ్మెల్యేలు ఈ నెల 21వ తేదీన విద్యాసాగర్ రావును కలసి ముఖ్యమంత్రి పట్ల తమకు విశ్వాసం లేదని తెలియజేసిన విషయం విదితమే. దీంతో ప్రస్తుత ప్రభుత్వం మెజార్టీని కోల్పోయిందని, కనుక ముఖ్యమంత్రి పళనిస్వామి శాసనసభలో తమ బలాన్ని నిరూపించుకోవాలని డిఎంకె డిమాండ్ చేస్తోంది. మొత్తం 234 మంది సభ్యులు గల తమిళనాడు అసెంబ్లీలో ప్రస్తుత ఎఐఎడిఎంకె ప్రభుత్వానికి స్పీకర్‌తో కలిపి 113 మంది శాసనసభ్యుల మద్దతు మాత్రమే ఉందని గవర్నర్‌కు సమర్పించిన తాజా లేఖలో డిఎంకె కార్యనిర్వాహక అధ్యక్షుడు ఎంకె.స్టాలిన్ పేర్కొన్నారు. ఈ విషయమై ప్రతిపక్షాలు గవర్నర్‌కు వినతిపత్రాన్ని సమర్పించడం గత వారం రోజుల వ్యవధిలో ఇది రెండోసారి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.