జాతీయ వార్తలు
యోగ.. సాధక ప్రక్రియ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 11: యోగ ఒక సాధక ప్రక్రియ మాత్రమే. పురాతన శాస్త్రాలను ఆపాదిస్తూ మతసంబంధ అర్థాలను ప్రచారం చేయడం వల్ల మానవాళికి తీరని నష్టం వాటిల్లుతుంది అని ఉప రాష్టప్రతి వెంకయ్యనాయుడు సూచించారు. యోగ ప్రక్రియపై మరిన్ని పరిశోధనలు జరగాలని ఆయనచెప్పారు. అనేక వైద్య విధానాల మాదిరిగానే యోగ కూడా ఒకతరహా ప్రాచీన వైద్య విధాన సాధక ప్రక్రియే. కొన్ని రకాల రుగ్మతలను ఎదుర్కోవడంలో శాస్ర్తియ ఫలితాలు ఇవ్వగలిగేది యోగ ఒక్కటే అని ఆయన అన్నారు. ఢిల్లీలో మంగళవారం రెండు రోజుల అంతర్జాతీయ యోగా సదస్సును ఉప రాష్టప్రతి వెంకయ్య నాయుడు ప్రారంభించారు. ఈ సందర్భంగా మాట్లాడుతూ మానసిక, శారీరక పటుత్వానికి మనిషి అనుసరించే అనేక కసరత్తులకు యోగా తల్లివంటిదని అన్నారు. దీనివల్ల అనవసరమైన వైద్య ఖర్చులూ తగ్గుతాయని సూచించారు. మన పూర్వీకులు జ్ఞానులు. వాళ్లు సూచించిన ప్రతి క్రియలోనూ లోతైన, నిగూఢమైన సంపద ఉంది. మానవాళి సంక్షేమానికి అనుసరణీయమైన క్రియా విధానముంది. అలాంటి వాటిలో యోగ క్రియ ముఖ్యం’ అని వెంకయ్య వివరించారు. ‘యోగ గురు రామ్‌దేవ్ ప్రతి గడపకూ యోగాను తీసుకెళ్తున్నారు. ప్రతి ఒక్కరూ ఆనందంగా జీవించడానికి యోగ ఎలా ఉపకరిస్తుందో వివరిస్తున్నారు. అనితరసాధ్యమైన కార్యాచరణను నిర్వహిస్తున్న ఆయనను అభినందించాలి’ అని వెంకయ్య ప్రశంసించారు. ఆయుష్ మంత్రిత్వ శాఖ యోగ అంశాన్ని సీరియస్‌గా తీసుకుని, ప్రజల్లోకి బలంగా తీసుకెళ్తే, ఆరోగ్యంపై కేంద్రం వెచ్చిస్తున్న ఖర్చు తగ్గిపోతుందని ఉప రాష్టప్రతి అన్నారు. ఒక మనిషి తనను తాను తెలుసుకోవడానికి, శోధించడానికి యోగ క్రియ ఎంతో ఉపకరిస్తుందని, మానవాళి మొత్తం దీన్ని అనుసరిస్తే ఆనందకరమైన సమాజం ఆవిష్కృతమవుతుందని ఉప రాష్టప్రతి వెంకయ్య నాయుడు చెప్పారు.
చిత్రం..ఢిల్లీలో నిర్వహించిన అంతర్జాతీయ యోగా సదస్సులో ఉప రాష్టప్రతి వెంకయ్య తదితరులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.