జాతీయ వార్తలు
‘మెర్సల్’కు రాజకీయ రంగు
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై/న్యూఢిల్లీ, అక్టోబర్ 21: తమిళ హీరో విజయ్ నటించిన ‘మెర్సల్’ చిత్రంపై బిజెపి నేతలు చేస్తున్న విమర్శలను కాంగ్రెస్ ఎండగట్టింది. కాంగ్రెస్ ఉపాధ్యక్షుడు రాహుల్‌గాంధీ, పార్టీ సీనియర్ నేత పి చిదంబరం బిజెపి నేతల తీరును తప్పుబట్టారు. జిఎస్‌టిని విమర్శిస్తూ మెర్సల్‌లో డైలాగులున్నాయని తమిళ బిజెపి నాయకులు ఆరోపిస్తున్న సంగతి తెలిసిందే. ప్రధాని మోదీ ఇమేజ్‌ను దెబ్బతీసేలా ఉన్న ఆ డైలాగులు తొలగించాలన్న బిజెపి డిమాండ్‌ను కాంగ్రెస్ వ్యతిరేకిస్తోంది. ‘మిస్టర్ మోదీ, తమిళ సంస్కృతి, భాషను వ్యక్తీరిస్తూ మెర్సల్ తీశారు. తమిళ ప్రతిష్ఠను ప్రతిబింబించే మెర్సల్‌ను వ్యతిరేకించం, సినిమాల్లో జోక్యం సరైందికాదు’ అని రాహుల్ ట్వీట్ చేశారు. అలాగే తమిళనాడు ఆత్మగౌరవాన్ని డిమోనిటైజ్ చేయొద్దు అంటూ వ్యంగ్యోక్తులు విసిరాలు. ఎన్‌డిఏ ప్రభుత్వం ప్రతిష్టాత్మకంగా అమలుచేస్తున్న జిఎస్‌టికి వ్యతిరేకంగా విజయ్ సినిమాలో డైలాగులున్నాయని కేంద్ర మంత్రి పొన్ రాధాకృష్ణన్ ఆరోపించిన మర్నాడే కాంగ్రెస్ విరుచుకుపడింది. రాహుల్ చేసిన ట్వీట్‌ను చిదంబరం రీ ట్వీట్ చేశారు. డైలాగులు తొలగించాలన్న బిజెపి నేతల డిమాండ్ సిగ్గుచేటు అది ఎంతమాత్రం తగదు అని చిదంబరం విమర్శించారు. నిర్మాతలకు అల్టిమేటం ఇవ్వడాన్ని కాంగ్రెస్ నేత తీవ్రంగా గర్హించారు. ‘మీ ప్రధానిని, ప్రభుత్వాన్ని పొగుడుతూ అవసరమైతే డాక్యుమెంటరీలు తీసుకోండి’ అని ఆయన చురకేశారు. అలాగే మెర్సల్‌కు పలువురు తమిళ సినీరంగ ప్రముఖులు మద్దతుగా నిలిచారు. హీరో విజయ్ నటనను కమల్‌హసన్ ప్రశంసించారు. సినిమాలో వివాదాస్పద డైలాగులున్నాయని, వాటిని తొగలించాలని చేస్తున్న డిమాండ్‌ను పట్టించుకోనవసరం లేదని ఆయన అన్నారు. ప్రజల సమస్యలను ఇతివృత్తంగా సినిమాలు తీయాల్సిన అవసరం ఎంతో ఉందని ఆయన తెలిపారు. అలాగే ఎఐఎస్‌ఎంకె చీఫ్, నటుడు శరత్ కమార్ తన ట్వీట్‌లో ‘సినిమాకు సెన్సార్‌బోర్డు ధ్రువప్రతం జారీ చేశాక ప్రశ్నించడం అర్ధరహితం. ఒకవేళ ప్రశ్నిస్తే ఇంకా సెన్సార్ బోర్డు ఎందుకు?’ అన్నారు. తమిళనాడు బిజెపినేత, పార్టీ జాతీయ కార్యదర్శి హెచ్ రాజా మాత్రం మెర్సల్‌లో మోదీని కించపరుస్తూ డైలాగులున్నాయని చెప్పారు. ఏదిఏమైనా తమిళనాడు మెర్సల్ విజయవిహారం చేస్తోంది. రాష్టవ్య్రాప్తంగా కాసుల వర్షం కురిపిస్తోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.