జాతీయ వార్తలు
ఎయిర్‌పోర్టులో కొట్టుకున్న మహిళలు!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 28: ప్రముఖ విమానయాన సంస్థ ‘ఎయిర్ ఇండియా’ మరోసారి వార్తల్లోకి ఎక్కింది. ఢిల్లీ విమానాశ్రయంలో ఇద్దరు మహిళలు పరస్పరం కొట్టుకున్న సంఘటన మంగళవారం చోటు చేసుకుంది. వీరిలో ఒకరు మహిళా ప్రయాణికురాలు కాగా, మరొకరు ఎయిర్ ఇండియా డిప్యూటీ మేనేజర్ కావడం గమనార్హం. ఢిల్లీ నుంచి అహమ్మదాబాద్ వెళ్లేందుకు వచ్చిన ఓ ప్రయాణికురాలు టిక్కెట్ కౌంటర్ వద్ద ఎయిర్ ఇండియా డిప్యూటీ మేనేజర్‌గా విధి నిర్వహణలో ఉన్న మహిళపై చేయిచేసుకుంది. ఆ మహిళా ప్రయాణికురాలు ఉదయం 5 గంటలకు అహమ్మదాబాద్ వెళ్లాల్సిన విమానం ఎక్కాల్సి ఉంది. విమానం బయలు దేరడానికి 75 నిమిషాల ముందు ఆమె ఎయిర్‌పోర్టుకు రావల్సి ఉండగా 40 నిమిషాల ఆలస్యంగా వచ్చారు. దీంతో ఆమెను విమానం వద్దకు వెళ్లేందుకు ఎయిర్‌పోర్టు సిబ్బంది అనుమతించలేదు. వెంటనే ఆ ప్రయాణికురాలు ఎయిర్ ఇండియా సిబ్బందితో వాగ్వాదానికి దిగడమే కాకుండా డిప్యూటీ మేనేజర్‌పై చేయి చేసుకున్నారు. దీనికి ప్రతిగా ఆ డిప్యూటీ మేనేజర్ కూడా సదరు మహిళా ప్రయాణికురాలిని కొట్టారు. తర్వాత పరస్పరం క్షమాపణలు చెప్పుకోవడంతో గొడవ సద్దుమణిగింది. వాగ్యుద్ధం ఫలితంగా ఇద్దరు మహిళలూ పరస్పరం కొట్టుకున్నారని ఎయిర్ ఇండియా ఉద్యోగులు ధ్రువీకరించారు. ఇదే విషయాన్ని ఎయిర్ పోర్టు డిసిపి సంజయ్ భాటియా చెబుతూ, రాజీపడడంతో వివాదం ముగిసిందన్నారు. నిబంధనల ప్రకారం దేశీయ విమానాల్లో వెళ్లాల్సిన ప్రయాణికులు 75 నిమిషాల ముందుగా, అంతర్జాతీయ విమానాల్లో వెళ్లాల్సిన వారు 140 నిమిషాల ముందు ఎయిర్‌పోర్టుకు చేరుకోవాలి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.