జాతీయ వార్తలు
గాలింపు చర్యలు ఆగవు
S ,7 à 8 RSCA (si SASPAS) et 6 cialis pharmacie cialis rapports de stage.
తిరువనంతపురం, డిసెంబర్ 4: ఓఖి తుపానులో గల్లంతైన 100మంది మత్స్యకారుల ఆచూకీ కోసం కేరళ తీరంలో పెద్దఎత్తున ఆపరేషన్స్ నిర్వహిస్తున్నామని కేంద్ర రక్షణ మంత్రి నిర్మలా సీతారామన్ వెల్లడించారు. ఆపరేషన్స్‌లో నేవీ ఓడలు, హెలికాఫ్టర్లు, తీర రక్షణ దళాల బోట్లు, వైమానిక దళాలు నిమగ్నమయ్యాయని, మత్స్యకారుల ఆచూకీ తెలిసేవరకూ ఆపరేషన్స్ కొనసాగుతాయని స్పష్టం చేశారు. ఓఖి తుపాను దెబ్బతిన్న కేరళ ప్రాంతాలను క్షేత్రస్థాయిలో పరిశీలించిన సీతారామన్, అనంతర పరిణామాలపై సోమవారం సిఎం పినరయ్ విజయన్‌తో సమావేశమయ్యారు. కేంద్ర, రాష్ట్రాలు సంయుక్తంగా తీసుకున్న చర్యలను సుదీర్ఘంగా సమీక్షించారు. అనంతరం మీడియాతో మాట్లాడుతూ ‘మత్స్యకారుల ఆచూకీ లభించేవరకూ ఆపరేషన్స్ కొనసాగుతాయని ప్రకటిస్తూ, ఇందులో ఎలాంటి మార్పూలేదు’ అన్నారు. ‘కేరళ తీరంనుంచి వేటకు వెళ్లిన ప్రతి మత్స్యకారుడినీ వెనక్కి తీసుకురాగలమన్న నమ్మకం మాకుంది’ అని ప్రకటించారు. ప్రకృతి వైపరీత్యంతో సర్వం కొల్పోయిన, ప్రాణాలుపోయిన మత్స్యకారుల కుటుంబాలకు నష్టపరిహారం పెంచాలన్న రాష్ట్ర ప్రతిపాదనపై స్పందిస్తూ, ‘క్షేత్రస్థాయిలోని పరిస్థితిని హోంమంత్రి, వ్యవసాయ మంత్రులకు వివరిస్తా. మత్స్యకార కుటుంబాలు భయానక పరిస్థితిని ఎదుర్కొంటున్న విషయాన్ని స్వయంగా చూశాను’ అని వ్యాఖ్యానించారు. తుపానుకు ముందు పక్షంరోజుల క్రితమే వేటకు వెళ్లిన కొందరు మత్స్యకారులను సముద్రంలో ఒకచోట గుర్తించామని, వాళ్లకు ఆహారం, మంచినీళ్లు అందించామని చెప్పారు.
మత్స్యకార గ్రామాల్లో పర్యటించిన సీతారామన్, బాధిత కుటుంబాలకు ధైర్యం చెప్పారు. రక్షణ చర్యలపై ఎలాంటి అపోహలు పెట్టుకోవద్దని సూచించారు. రెండు గ్రామాల్లోని మత్స్యకార కుటుంబాల మహిళలు మంత్రిని చుట్టుముట్టి విలపిస్తూ, రక్షణ చర్యలు తూతూమంత్రంగా సాగుతున్నాయంటూ ఆరోపించటంతో సీతారామన్ స్పందించారు. కేంద్ర మంత్రి సీతారామన్ వెంట రాష్ట్ర మత్స్యకార మంత్రి కెర్సీకుట్టి, దేవాదాయ మంత్రి కిడకంపల్లి సరేంద్రన్ ఉన్నారు.
చిత్రం..ఓఖి తుపానుకు దెబ్బతిన్న ప్రాంతాలను సందర్శించిన అనంతరం సోమవారం తిరువనంతపురంలో విలేఖరులతో మాట్లాడుతున్న నిర్మలా సీతారామన్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.