జాతీయ వార్తలు
44 మంది ఏఐఏడీఎంకే నేతలపై వేటు
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, డిసెంబర్ 28: తమిళనాడులోని ఆర్కేనగర్ అసెంబ్లీ స్థానానికి ఇటీవల జరిగిన ఉపఎన్నికల్లో శశికళ మేనల్లుడు, ఇండిపెండెంట్ అభ్యర్థిగా విజయం సాధించిన టీవీవీ దినకరన్‌కు పరోక్షంగా మద్దతు పలికిన పలువురు ఏఐఏడీఎంకే నాయకులను ఆ పార్టీ బహిష్కరించింది. 44 మందిపై బహిష్కరణ వేటు వేయడంతోపాటు పార్టీలో వివిధ స్థాయిల్లో ఉన్న మరో ఇద్దరిని ఆయా పదవుల నుండి తప్పించింది. ఈమేరకు పార్టీ సమన్వయకర్తలు, రాష్ట్ర ముఖ్యమంత్రి పళనిస్వామి, ఉప ముఖ్యమంత్రి పన్నీర్ సెల్వం 44 మంది పార్టీ విధివిధానాలను వ్యతిరేకించినందుకు పార్టీ ప్రాథమిక సభ్యత్వం నుండి తొలగిస్తున్నట్టు ప్రకటించారు. దినకరన్‌కు మద్దతు ఇచ్చి బహిష్కరణకు గురైనవారిలో మధురైలోని మేలూర్ మాజీ ఎమ్మెల్యే ఆర్.స్వామి కూడా ఉన్నారు. దినకరన్‌కు మద్దతు ఇచ్చిన మధురై, విల్లుపురం, ధర్మపురి, తిరుచురాపల్లి, పెరంబ్లూర్ నుండి బహిష్కరణకు గురైన వారంతా ఇకనుండి పార్టీలో ఏ హోదాలోనూ కొనసాగేందుకు ఏకోశానా అవకాశం లేదని పన్నీర్‌సెల్వమ్, పళనిస్వామి ప్రకటించారు. పార్టీ సిద్ధాంతాలకు వ్యతిరేకంగా పనిచేసినందున ‘ఆ నేతలను బహిష్కరించాం’ కనుక ఆయా పార్టీ కార్యకర్తలు బహిష్కృత నేతలతో ఎలాంటి సంబంధాలు పెట్టుకోవద్దని కోరారు. పత్తుకొట్టాయ్, వెల్లూర్ జిల్లాల్లో ఇద్దరు నాయకులను కూడా పార్టీ పదవుల నుండి తొలగిస్తున్నట్టు పళనిస్వామి, పన్నీర్‌సెల్వం వెల్లడించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.