జాతీయ వార్తలు
తలాక్‌కు కాంగ్రెస్ సవరణలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 29: లోక్‌సభ ఆమోదించిన ట్రిపుల్ తలాక్ బిల్లుకు కాంగ్రెస్ పార్టీ రాజ్యసభలో సవరణలు ప్రతిపాదించనున్నది. ట్రిపుల్ తలాక్ ఇవ్వటాన్ని క్రిమినల్ చర్యగా నిర్దారించి మూడు సంవత్సరాల జైలు శిక్ష విధించటాన్ని సవరించాలన్నది కాంగ్రెస్ సవరణ ప్రధాన లక్ష్యం. ట్రిపుల్ తలాక్ బిల్లుకు లోక్‌సభ ఆమోదించినప్పుడు కాంగ్రెస్ పక్షం వ్యవహరించిన తీరు పార్టీ ఆధ్యక్షుడు రాహుల్ గాంధీ, మాజీ అధ్యక్షురాలు సోనియా గాంధీకి నచ్చ లేదని తెలిసింది. లోక్‌సభలో ట్రిపుల్ తలాక్ బిల్లు చర్చకు వచ్చినప్పుడు ప్రతిపాదించిన సవరణలపై ఓటింగ్‌కు డిమాండ్ చేసి ఉండాల్సిందన్నది అధినాయకత్వం భావన. బిల్లును మూజువాణి ఓటుతో ఆమోదించేందుకు ఎలా అంగీకరించారని పార్టీ ప్రతిపక్షం నాయకుడు మల్లికార్జున ఖర్గేను సోనియా గాంధీ, రాహుల్ గాంధీ ప్రశ్నించినట్లు తెలిసింది. ట్రిపుల్ తలాక్ బిల్లును మూజువాణి ఓటుతో ఆమోదించటం వలన కాంగ్రెస్ విషయంలో ముస్లిం మైనారిటీలకు తప్పుడు సంకేతం వెళ్లందని రాహుల్ గాంధీ భావిస్తున్నారు. కాంగ్రెస్ నాయకత్వం వ్యవహరించిన తీరు మూలంగా జరిగిన నష్టాన్ని పూడ్చుకునేందుకు రాజ్యసభలో ఈ బిల్లుకు సవరణలు ప్రతిపాదించాలని రాహుల్ గాంధీ ఆదేశించారు. రాహుల్ గాంధీ ఆదేశం మేరకు సీనియర్ నాయకుడు, ప్రముఖ న్యాయవాది కపిల్ సిబల్ ట్రిపుల్ తలాక్ బిల్లుకు సవరణలు సిద్ధం చేస్తున్నట్లు తెలిసింది. పార్టీకి చెందిన పలువురు సభ్యులు ఈ సవరణలను ప్రతిపాదించనున్నారు. ఎన్‌డిఎ ప్రభుత్వం ట్రిపుల్ తలాక్‌ను క్రిమినల్ చర్యకు బదులు సివిల్ చర్యగా మార్చేందుకు అంగీకరించని పక్షంలో బిల్లును సెలెక్ట్ కమిటీకి పంపించాలని డిమాండ్ చేయనున్నారు. ప్రభుత్వం దీనికి కూడా అంగీకరించని పక్షంలో కాంగ్రెస్ ట్రిపుల్ తలాక్ బిల్లుపై సభలో ఓటింగ్‌కు డిమాండ్ చేయాలనే నిర్ణయానికి వచ్చింది. రాజ్యసభలో ప్రతిపక్షాలకు మెజారిటీ ఉన్నందున ఓటింగ్ జరిగితే ట్రిపుల్ తలాక్ బిల్లు వీగిపోతుందన్నది కాంగ్రెస్ అధినాయకత్వం విశ్వాసం.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.