జాతీయ వార్తలు
త్రిపుర ముఖ్యమంత్రి మాణిక్ రాజీనామా
S ,7 à 8 RSCA (si SASPAS) et 6 cialis pharmacie cialis rapports de stage.
అగర్తలా, మార్చి 4: త్రిపురలో పాతికేళ్ల సిపీఐ(ఎం) నాయకత్వంలోని లెఫ్ట్‌ఫ్రంట్ కంచుకోట బీటలువారింది. అప్రతిహతంగా సాగిన వామపక్ష పాలనకు పూర్తిగా తెరపడింది. ఈశాన్య రాష్ట్రాల్లో ప్రధానమైన త్రిపుర అసెంబ్లీ ఎన్నికల్లో బీజేపీ-ఐపీఎఫ్‌టి కూటమి అనితర విజయం సాధించటంతో లెఫ్ట్‌ఫ్రంట్ ప్రతిష్ట పూర్తిగా మసకబారింది. దీంతో, ఎన్నికల ఫలితాలు వెలువడి 24 గంటలు తిరగకముందే ముఖ్యమంత్రి మాణిక్ సర్కారు తన పదవికి రాజీనామా చేస్తూ గవర్నర్ తతాగత రాయ్‌కి ఆదివారం సమర్పించారు. అయితే, కొత్త ముఖ్యమంత్రి బాధ్యతలు స్వీకరించే వరకూ ఆపద్ధర్మ సీఎంగా కొనసాగాలని మణిక్ సర్కార్‌కు గవర్నర్ రాయ్ సూచించారు. గవర్నర్‌కు రాజీనామా పత్రం సమర్పించిన అనంతరం రాజ్‌భవన్ ఎదుట తనను కలిసిన మీడియాతో మాట్లాడిన మాణిక్ సర్కారు, ఓటమిని నైతిక బాధ్యతగా స్వీకరించి రాజీనామా సమర్పించామన్నారు. ఇప్పటి వరకూ లెఫ్ట్‌ఫ్రంట్ పాలనకు పూర్తి సహకారం అందించిన ఉద్యోగులు, ప్రజలకు ఈ సందర్భంగా ధన్యవాదాలు తెలిపారు. లెఫ్ట్ ఫ్రంట్‌గా కంచుకోటగా మారిన త్రిపురలో బీజేపీ-ఐపీఎఫ్‌టి కూటమి మూడొంతుల మెజారిటీతో చారిత్రక విజయం సాధించటం తెలిసిందే. రాష్ట్రంలో 60 అసెంబ్లీ స్థానాలకుగాను 59 స్థానాలకు ఎన్నికలు నిర్వహిస్తే, బీజేపీ, ఇండిజీనియస్ పీపుల్స్ ఫ్రంట్ కూటమికి 43 స్థానాలు లభిస్తే, సీపీఐ(ఎం) నేతృత్వంలోని లెఫ్ట్ ఫ్రంట్‌కు కేవలం 16 స్థానాలే దక్కడం తెలిసిందే.
చిత్రం..రాజీనామా సమర్పించేందుకు గవర్నర్ తథాగత రాయ్‌ని కలిసిన
త్రిపుర ముఖ్యమంత్రి మాణిక్ సర్కార్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.