జాతీయ వార్తలు
ఏపీ కాంగ్రెస్ ఇన్‌చార్జ్‌గా ఊమెన్ చాందీ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: ఆంధ్రప్రదేశ్ కాంగ్రెస్ వ్యవహారాల ఇన్‌చార్జ్‌గా ఆ పార్టీ నేత కేరళ మాజీ ముఖ్యమంత్రి ఊమెన్ చాందీని కాంగ్రెస్ పార్టీ నియమించింది. ప్రస్తుతం ఏపీ కాంగ్రెస్ వ్యవహారాల ఇన్‌చార్జ్‌గా ఉన్న సీనియర్ నేత దిగ్విజయ్ సింగ్‌ను తొలగించి ఆయన స్థానంలో ఊమెన్ చాందీకి ఆంధ్ర కాంగ్రెస్ పర్యవేక్షక బాధ్యతలు అప్పగించింది. ఏఐసీసీ ఇన్‌చార్జ్ జనరల్ సెక్రటరీగా ఊమెన్ చాందీని పార్టీ అధ్యక్షుడు రాహుల్ గాంధీ నియమించినట్టు పార్టీ ప్రధాన కార్యదర్శి అశోక్ గెహ్లాట్ పేరుతో ఆదివారం కాంగ్రెస్ పార్టీ కార్యాలయం నుంచి ఒక ప్రకటన విడుదల చేశారు. ఇప్పటివరకు ఏపీ కాంగ్రెస్ వ్యవహారాల ఇన్‌చార్జ్‌గా ఉన్న దిగ్విజయ్ సింగ్ విలువైన సేవలు అందించారని, ఆయన వెంటనే ఆ పదవి నుంచి దిగిపోతారని ఆ ప్రకటనలో పేర్కొన్నారు. కేరళలో ఆ రాష్ట్ర శాసనసభ ఎన్నికల్లో ఓడిపోయిన అనంతరం ఉమెన్ చాందీని ఏపీ ఇన్‌చార్జ్‌గా నియమిస్తారని గతంలో వార్తలు వచ్చినప్పటికీ వివిధ కారణాలవల్ల ఆలస్యమైంది. ఉమ్మడి రాష్ట్రం విభజనకు ముందుగా దిగ్విజయ్ సింగ్‌ను రాష్ట్ర ఇన్‌చార్జ్‌గా నియమించింది. విభజన అనంతరం రెండు రాష్ట్రాలకు ఆయనే ఇన్‌చార్జ్‌గా పని చేస్తున్నారు. అయితే తెలంగాణ కాంగ్రెస్ బాధ్యతలను ఆర్‌సీ కుంతియాకు అప్పగించారు. విభజన అనంతరం కుదేలైన కాంగ్రెస్ పార్టీ కొత్త ఇన్‌చార్జ్‌గా ఊమెన్ చాందీ పార్టీని బలోపెతం చేసేందుకు ఎలా వ్యవహరిస్తారో చూడాల్సివుంది. అలాగే పశ్చిమ బెంగాల్, అండమాన్ నికోబార్ దీవులకు కాంగ్రెస్ పార్టీ వ్యవహారాల ఇన్‌చార్జ్‌గా తరుణ్ గొగోయ్‌ని నియమించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.