జాతీయ వార్తలు
స్విస్ నల్లధనంపై చర్యలు తీసుకోండి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూ ఢిల్లీ, జూన్ 29: దేశంలో కార్పోరేట్ రంగానికి చెందిన పెద్దలు బ్యాంకులకు చెల్లించాల్సిన బకాయిలను రద్దు చేయడంతో, లక్షల కోట్ల సొమ్ము స్విస్ బ్యాంకుకు తరలి వెళ్లిందని సీపీఎం ప్రధాన కార్యదర్శి సీతారాం ఏచూరి కేంద్రంపై ధ్వజమెత్తారు. స్విస్ బ్యాంకులో 50 శాతం మేర భారతీయులు దాచుకున్న నగదు నిల్వలు 2017లో పెరిగాయని, నల్లధనంపై ప్రభుత్వం మొద్దు నిద్రపోతోందన్నారు. స్విస్‌బ్యాంకులకు నల్లధనం తరలించిన వారిపై చట్టపరమైన చర్యలు తీసుకోవాలని, ఈ విషయమై ప్రభుత్వం స్పందించాలని ఆయన డిమాండ్ చేశారు. 2014 ఎన్నికల్లో తమ పార్టీకి ఓట్లు వేస్తే నల్లధనం భరతం పడుతామని మోదీ ఇచ్చిన హామీ ఏమైందన్నారు. 2017లో స్విస్ బ్యాంకులో రూ.7వేల కోట్లు నగదును భారతీయులు దాచుకున్నారంటే ఇదంతా నల్లధనమేన్నారు. ఈ వివరాలను స్విస్ బ్యాంకు స్వయంగా వెల్లడించిందని ఆయన ట్వీట్ చేశారు. నల్లధనాన్ని రాబట్టి ప్రతి పేదవాడి ఖాతాకు రూ.15 లక్షల సొమ్మును జమ చేస్తామని ఇచ్చిన హామీని తుంగలో తొక్కారన్నారు. సీపీఐ జాతీయ కార్యదర్శి డి రాజా మాట్లాడుతూ స్విస్ ఖాతాల వివరాలపై ప్రధాని వివరణ ఇవ్వాలన్నారు. నల్లధనం ఏరులై పారుతోందని, కేంద్రం మాత్రం వౌనంగా ఉందన్నారు. తప్పుడు హామీలు ఇచ్చి ఎన్నికల్లో ఓట్లు దండుకుని, ఈ రోజు దేశ ఆర్థిక వ్యవస్థను దగా చేస్తున్న శక్తుల పట్ల ప్రధాని చూసీ చూడనట్లు వ్యవహరిస్తున్నారన్నారు. స్విస్ బ్యాంకు ఖాతాల్లో భారతీయులు రూ.7వేల కోట్ల నగదును గత ఏడాది దాచుకున్నారని, ఈ వివరాలను ఆ బ్యాంకు స్వయంగా వెల్లడించిందన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.