జాతీయ వార్తలు
గ్రే లిస్టులో పాక్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 30: హవాలా కార్యకలాపాలను నిర్వహిస్తూ ఉగ్రవాదులకు ఆర్థిక సహకారం అందిస్తున్నారని, ఉగ్రవాదాన్ని ప్రోత్సహిస్తున్నారన్న ఆరోపణపై ఉగ్రవాద నిరోధక కార్యకలాపాలకు సంబంధించి ఫైనాన్షియల్ ఏక్షన్ టాస్క్ఫోర్సు (ఎఫ్‌ఎటీఎఫ్) పాకిస్తాన్‌ను గ్రే లిస్టులో పెట్టడాన్ని భారత్ స్వాగతించింది. ఉగ్రవాదాన్ని ప్రోత్సహించే కార్యకలాపాలకు పాల్పడటంపై అంతర్జాతీయంగా వస్తున్న నిరసనల నుంచి బయటపడటానికి ఆ దేశం ఇకనైనా టెర్రరిజం నిర్మూలించే చర్యలు తీసుకోవాలని కోరింది. ఈ విషయంలో ఎఫ్‌ఎటీఎఫ్ అంతర్జాతీయ కాపలాదారుగా వ్యవహరించి ఉగ్రవాదాన్ని ప్రోత్సహిస్తున్న పాకిస్తాన్‌పై చర్యలు తీసుకోవాలన్నారు. అలాగే 2008 ముంబయి దాడితో సహా భారత్‌పై పాక్ చేసిన వరుస దాడులకు బాధ్యులను చేయాలని మానవ వనరుల శాఖ ప్రతినిధి రవీష్‌కుమార్ డిమాండ్ చేశారు. టెర్రరిజం ప్రోత్సాహంపై నిరసన వ్యక్తం చేస్తున్న అంతర్జాతీయ సమాజానికి పాకిస్తాన్ ఉన్నతస్థాయిలో సమావేశం నిర్వహించి హామీ ఇవ్వాలని కోరారు. అంతర్జాతీయ ఉగ్రవాది హఫీజ్ సయ్యద్‌తో పాటు లష్కర్ ఇ తోయిబా, జైషే ఇ మహ్మద్ లాంటి ఉగ్రవాద సంస్థలు తమ దేశంలో కార్యకలాపాలు నిర్వహించకుండా చూస్తామని వాగ్దానం చేయాలని డిమాండ్ చేశారు. కాగా, ఉగ్రవాదాన్ని ప్రోత్సహించడం, వారికి ఆర్థికంగా నిధులు అందించడం వంటి చర్యలకు పాల్పడుతున్న పాక్‌ను గ్రే లిస్టులో పెడుతూ ఎఫ్‌ఎటిఎఫ్ పారిస్‌లో జరిపిన సమావేశంలో నిర్ణయం తీసుకుంది. కొన్ని నెలల తర్వాత దీనికి సంబంధించి సమీక్ష చేస్తారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.