జాతీయ వార్తలు
కన్సాస్ కాల్పుల ఘటన కలచివేసింది
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 8: అమెరికాలోని కన్సాస్ నగరంలో ఆగంతకుల కాల్పులకు బలైన తెలంగాణ రాష్ట్రానికి చెందిన విద్యార్థి శరత్ కొప్పు ఘటన పట్ల కేంద్ర విదేశాంగ శాఖ మంత్రి సుష్మాస్వరాజ్ తీవ్ర దిగ్భ్రాంతి వ్యక్తం చేశారు. శరత్ కుటుంబానికి అవసరమైన సహాయాన్ని చేసి ఆదుకుంటామని ఆమె ట్వీట్ చేశారు. రెస్టారెంట్‌లో పనిచేస్తున్న సమయంలో కాల్పుల్లో శరత్ కొప్పు మరణించిన విషయం విదితమే. ఆసుపత్రికి చికిత్స నిమిత్తం తరలించినా ఫలితం లేకండా పోయింది. ఈ ఘటన తనను కలచి వేసిందని సుష్మాస్వరాజ్ పేర్కొన్నారు. హైదరాబాద్‌లో ఉంటున్న శరత్ తండ్రి రామ్‌మోహన్ రెడ్డితో మాట్లాడానని, ఈ ఘటనపై సంతాపం వ్యక్తం చేసినట్లు చెప్పారు.
కుటుంబ సభ్యుల్లో ఒకరు అమెరికాకు వెళ్లేందుకు తక్షణ సహాయం అందిస్తామని హామీ ఇచ్చినట్లు ఆమె చెప్పారు. అమెరికా వీసాను కూడా సమకూరుస్తామన్నారు. వీలైనంత తొందరగా శరత్ కొప్పు మృతదేహాన్ని భారత్‌కు తెచ్చేందుకు చర్యలు తీసుకుంటామన్నారు. మాస్టర్ డిగ్రీ చేసేందుకు శరత్ ఈ ఏడాది జనవరిలో అమెరికాకు వెళ్లారు. కన్సాస్ నగరం మిస్సోరి రాష్ట్రంలో ఉంది. చికాగోలోని కాన్సులేట్ జనరల్ ఆఫ్ ఇండియా ట్వీట్ చేస్తూ ఈ ఘటనపై మరణించిన శరత్ కుటుంబ సభ్యులకు తక్షణ సహాయం అందించేందుకు చర్యలు తీసుకుంటున్నట్లు చెప్పారు. కాల్పులు జరిపిన ఆగంతకుడి ఆచూకీ ఇస్తే పదివేల డాలర్లు ఇస్తామని ఇప్పటికే కన్సాస్ నగర పోలీసులు ప్రకటించారు. రెస్టారెంట్‌లో కాల్పుల ఘటనకు సంబందించి వీడియో క్లిప్పింగ్‌లను కూడా పోలీసులు విడుదల చేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.