జాతీయ వార్తలు
కేసీఆర్ ఓ జోకర్..
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 6: మాజీ ప్రధాన మంత్రి జవహర్ లాల్ నెహ్రూను విమర్శించటంతోపాటు కాంగ్రెస్ అధ్యక్షుడు రాహుల్ గాంధీని బఫూన్ అంటూ విమర్శించిన తెలంగాణ ముఖ్యమంత్రి కె.చంద్రశేఖరరావు పెద్ద జోకర్ అని ఏఐసీసీ కార్యదర్శి, రాష్ట్ర వ్యవహారాల ఇంచార్జ్ కుంతియా దుయ్యబట్టారు. గురువారం కుంతియా విలేఖరులతో మాట్లాడుతూ ఒక బఫూన్ మాత్రమే ఇలాంటి మాటలు మాట్లాగలుగుతారని స్పష్టం చేశారు. ముందస్తు ఎన్నికలకు వెళ్లిన వారెవ్వరూ కూడా గెలిచిన దాఖలాలు లేవు.. అలానే కేసీఆర్ కూడా ఓడిపోవడం ఖాయం అని కుంతియా స్పష్టం చేశారు. శాసనసభ ఎన్నికలకోసం బీజేపీ, టీఆర్‌ఎస్ మినహా ఇతర అన్ని పార్టీలతో పొత్తు పెట్టుకునేందుకు కాంగ్రెస్ సిద్ధంగా ఉన్నదని ఆయన చెప్పారు. కాంగ్రెస్ అభ్యర్థుల జాబితాను త్వరలోనే ప్రకటిస్తామని, ‘కేసీఆర్‌కో హటావో, తెలంగాణకో బచావో’ అన్నదే తమ నినాదమని కుంతియా ప్రకటించారు. చంద్రశేఖరరావు పెద్ద నియంత, హిట్లర్ అంటూ విమర్శలు గుప్పించారు. రాహుల్ గాంధీ తెలంగాణ పర్యటనతో చంద్రశేఖరరావుకు భయం పట్టుకుందని అన్నారు. ప్రత్యేక రాష్ట్రం కోసం ఉద్యమం చేసినట్లు చెప్పుకునే చంద్రశేఖరరావు ధర్నా చౌక్‌ను ఎలా తొలగించారని కుంతియా నిలదీశారు. ఒక నియంత మాత్రమే ఇలా వ్యవహరించ గలుగుతారని ఆయన ఎద్దేవా చేశారు. చంద్రశేఖరరావు అత్యంత ప్రమాదకర నియంత, శాసనసభ రద్దుతో తెలంగాణలో నియంతృత్వానికి తెరపడిందని ఆయన చెప్పారు. తెలంగాణ ఉద్యమం చేశారు కాబట్టి వారి కుటుంబంలోని వారంతా మంత్రి పదవులు చేపట్టాలా? అని నిలదీశారు. తెలంగాణకోసం ప్రాణాలు అర్పించిన 1200 మందికి చంద్రశేఖరరావు ప్రభుత్వం ఏం చేసిందని ఆయన నిలదీశారు. కేవలం రెండు వేల మూడు వందల డబుల్ బెడ్ రూం ఇళ్లు నిర్మించిన ఇచ్చిన సీఎం.. పెద్ద ఎత్తున ప్రగతి సాధించానని ఎలా చెప్పుకుంటారని నిలదీశారు. నాలుగేళ్లపాటు రాష్ట్ర సచివాలయానికి రాని ముఖ్యమంత్రి కూడా ఒక ముఖ్యమంత్రా అని ఆయన ప్రశ్నించారు. చంద్రశేఖరరావు తన ముగింపును తానే రాసుకున్నాడని కుంతియా అన్నారు. తొమ్మిది నెలల ముందే ఎన్నికలకు వెళ్లవలసిన అవసరం ఏమిటనేది ఆయన ప్రశ్నించారు. విభజన హామీలను అమలుచేయని ప్రధాని నరేంద్ర మోదీని కేసీఆర్ ఒకే నెలలో రెండుసార్లు ఎందుకు కలిశారని నిలదీశారు. తెలంగాణలో తెలుగుదేశం పార్టీ, వైఎస్‌ఆర్ కాంగ్రెస్ కనుమరుగైపోతాయని అన్నారు. ఓటర్ల జాబితాలో దాదాపు పదమూడు లక్షల మంది యువకులను చేర్చవలసి ఉన్నది.. వీరిని చేర్చుకుంటే ఓడిపోతామనే భయంతోనే చంద్రశేఖరరావు ముందస్తు ఎన్నికలకు వెళుతున్నాడని కుంతియా ఆరోపించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.