జాతీయ వార్తలు
మోదీ పాలనలో అప్రతిష్టపాలవుతున్న వ్యవస్థలు
S ,7 à 8 RSCA (si SASPAS) et 6 cialis pharmacie cialis rapports de stage.
ఇండోర్, నవంబర్ 21: దేశంలోని పార్లమెంట్, సీబీఐ లాంటి వ్యవస్థలు ప్రధాని మోదీ పాలనలో క్రమంగా అప్రతిష్టపాలు అవుతున్నాయని, దీనిపై అప్రమత్తమై సరైన ఆలోచనలతో సరిచేయడానికి ప్రయత్నించకపోతే మన ప్రజాస్వామ్యం బలహీనపడుతుందని మాజీ ప్రధాని మన్మోహన్ సింగ్ హెచ్చరించారు. బుధవారం ఆయన విలేఖరుల సమావేశంలో మాట్లాడుతూ మోదీ ప్రభుత్వ హయాంలో అవినీతి తారస్థాయికి చేరుకుందని అన్నారు. పార్లమెంట్, సీబీఐ లాంటి స్వతంత్ర వ్యవస్థలు రానురాను ప్రాభవాన్ని కోల్పోతూ తమ విలువను దిగజార్చుకుంటుండటం మనం చూస్తున్నామని, దీనిపై ఇకనైనా మేల్కోకపోతే ప్రజాస్వామ్య వ్యవస్థ బలహీనమవుతుందని అన్నారు. పాలనా వ్యవస్థ దాడికి గురవుతోందని, ప్రస్తుత పరిస్థితిలో మార్పు రాకపోతే చరిత్ర మనల్ని క్షమించదని ఆయన హెచ్చరించారు. నోట్ల రద్దును వ్యవస్థీకృత, న్యాయబద్ధ దోపిడీగా వర్ణించిన ఆయన దాని వల్ల జరిగిన నష్టాలను ఇంక వెనక్కి తీసుకురాలేమని అన్నారు. ప్రధాన మంత్రి పదవిని మోదీ దుర్వినియోగం చేస్తున్నారని, రాజకీయ ప్రత్యర్థులపై విమర్శలు చేయడానికి దానిని ఉపయోగించుకుంటున్నారని మన్మోహన్ సింగ్ విమర్శించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.