జాతీయ వార్తలు
మోదీ టార్గెట్‌గా లష్కరే కుట్ర?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 28: భారత స్వాతంత్య్ర దినోత్సవ వేడుకల సమయంలో ప్రధాని నరేంద్ర మోదీపై డ్రోన్‌లతో దాడి చేయడానికి ఉగ్రవాదులు కుట్ర పన్నుతున్నారా? తాజాగా వెలుగుచూస్తున్న నిఘా వర్గాల సమాచారాన్ని బట్టి లష్కరె తొయిబా, జైషే మహ్మద్ వంటి ఉగ్రవాద సంస్థలు ప్రధాని మోదీని లక్ష్యంగా చేసుకుని దాడి చేయడానికి కుట్ర పన్నుతున్నట్టుగా తెలుస్తోంది. ఆగస్టు 15 ఉదయం ఎర్రకోట బురుజుల నుంచి ప్రధాని ప్రసంగించే సమయంలో డ్రోన్‌లతో దాడికి ఉగ్రవాదులు ఒడిగట్టే అవకాశం ఉందని నిఘా వర్గాలు హెచ్చరిస్తున్నాయి.
పాకిస్తాన్ గూఢచారి సంస్థ ఐఎస్‌ఐ మద్దతుతోనే ఈ రెండు ఉగ్రవాద గ్రూపులు ఈ దాడికి పన్నాగం పన్నుతున్నట్టుగా ఇంటిలిజెన్స్ వర్గాలు వెల్లడించాయి. భారత్, పాకిస్తాన్ కేంద్రంగా పనిచేస్తున్న ఉగ్రవాదుల మధ్య జరిగిన టెలిఫోన్ సంభాషణను బట్టి ఇంటిలిజెన్స్ వర్గాలు వారి కుట్రను వెలుగులోకి తెచ్చాయి. స్వాతంత్య్ర దినోత్సవానికి ముందే ఉగ్రవాదులు ఈ దాడులకు ఒడిగట్టే అవకాశం ఉందని ఇందులో భాగంగా భద్రత దళాలపైనా, సైనిక శిబిరాలపైనా కాన్వాయ్‌లపైన కూడా విరుచుకుపడేందుకు సిద్ధపడుతున్నట్టుగా గూఢచారి వర్గాలు సమాచారాన్ని సేకరించాయి. ఈ నేపథ్యంలో ప్రధాని ప్రసంగించే ఎర్రకోట ప్రాంతాన్ని శత్రుదుర్భేద్యంగా మార్చడానికి కట్టుదిట్టమైన చర్యలు చేపడుతున్నారు. ప్రధానికి వ్యిక్తిగత భద్రత అందించే ఎస్‌పిజి దళాలను కూడా మరింత అప్రమత్తం చేశారు. అలాగే ఎర్రకోట సమీపంలోని అన్ని ప్రాంతాల్లోనూ అత్యంత శక్తివంతమైన కెమెరాలను అమర్చడం ద్వారా ప్రతిఒక్కరి కదలికపైనా డేగ కన్నువేయడానికి అధికారులు ఏర్పాట్లు చేస్తున్నారు. రానున్న రోజుల్లో ఎర్రకోట వద్ద గగనతల రక్షణను కూడా ఏర్పాటు చేయడానికి సిద్ధమవుతున్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.