జాతీయ వార్తలు
ఆక్రమిత కాశ్మీర్‌ను వదలండి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 11: ఆక్రమిత కాశ్మీర్‌లో పాకిస్తాన్ సర్కార్‌కు ప్రజల నుంచి సెగ మొదలైంది. కాశ్మీర్‌పై కాదు ఆక్రమిత కాశ్మీర్‌పైనే ఇక చర్చలంటూ భారత ప్రభుత్వం కరాఖండిగా తేల్చేసిన నేపథ్యంలో ఆజాదీ కాశ్మీర్‌గా పేర్కొంటున్న ఈ ప్రాంత ప్రజలు పాక్ దురాక్రమణపై నిప్పులు చెరుగుతున్నారు. గత నెల 21న జరిగిన ఎన్నికల్లో పూర్తిస్థాయిలో రిగ్గింగ్ జరిగిందని నిరసన వ్యక్తం చేయడమే కాకుండా ఈ ప్రాంతం నుంచి పాకిస్తాన్ వెళ్లిపోవాలని కూడా డిమాండ్ చేశారు. ఆజాదీ నినాదాలతో పాక్ ఆక్రమిత కాశ్మీర్ ప్రాంతం మారుమోగిపోయింది. ఉగ్రవాదాన్ని, రౌడీయిజాన్ని పాకిస్తాన్ పెంచి పోషిస్తోందని ప్రజలు నినాదాలు చేశారు. పాక్ మీడియాపైనా నిప్పులు చెరిగారు. గత నెలలో జరిగిన ఎన్నికల్లో నవాజ్ షరీఫ్ సారధ్యంలోని పాకిస్తాన్ ముస్లింలీగ్(ఎం) మొత్తం 41 సీట్లకు 38 సీట్టు గెలుచుకుంది. ఎప్పుడు ఆక్రమిత కాశ్మీర్‌లో ఎన్నికలు జరిగినా అధికార పార్టీకి అనుకూలంగా తీర్పు వచ్చేలా వ్యవహారాన్ని నడుపుతారని ప్రజలు ఆరోపించారు. ఆక్రమిత కాశ్మీర్ ప్రజలు భారత్‌లో అంతర్భాగం గానే ఉండాలన్న ప్రధాన ఆకాంక్షను వ్యక్తం చేస్తున్నారని అంజుమాన్ మిన్హాజ్ ఎ రసూల్ చైర్మన్ వౌలానా సయ్యద్ హుస్సేన్ ఇటీవల ప్రకటించిన విషయం తెలిసిందే. ఆక్రమిత కాశ్మీర్ ప్రజలు పాక్ ఉగ్రవాద ధోరణితో విసుగెత్తిపోయారని పేర్కొన్న ఆయన ఈ ప్రాంతంపై రిఫరెండం జరగాలని కూడా ప్రజలు డిమాండ్ చేస్తున్నారని ఆయన తెలిపారు.
చిత్రం..కాశ్మీర్‌లో పోలీసు కాల్పులకు నిరసనగా గురువారం శ్రీనగర్‌లో ధర్నా చేస్తున్న ఆందోళనకారులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.