జాతీయ వార్తలు
ధర్మశాలలో దీపావళి ఆఫర్లు
S ,7 à 8 RSCA (si SASPAS) et 6 cialis pharmacie cialis rapports de stage.
ధర్మశాల, అక్టోబర్ 31: దేశంలోనే ప్రముఖ పర్యాటక ప్రాంతమైన ధర్మశాలలోని హోటళ్లు దీపావళి సందర్భంగా భారీ డిస్కౌంట్లతో ముందుకొస్తున్నాయి. పర్యాటకులను ఆకట్టుకునేందుకు భారీ డిస్కౌంట్లు ప్రకటిస్తున్నారు. పర్వత ప్రాంతమైన హిమాచల్ ప్రదేశ్‌లో ధర్మాశాల టూరిస్ట్ హబ్‌గా విరాజిల్లుతోంది. అయితే ఇటీవల హైకోర్టు ఇచ్చిన ఆదేశాలు హోటల్ వ్యాపారంపై ప్రతికూల ప్రభావం చూపింది. అక్రమంగా నిర్మించిన 80 హోటళ్లను మూసివేయాలని హైకోర్టు ఆదేశించింది. దీంతో పట్టణానికి పర్యాటకుల రాక తగ్గిపోవడంతోపాటు ఆదాయం ఘోరంగా పడిపోయింది. 70 శాతం వరకూ ఆదాయం తగ్గిపోయిందని హోటల్ యజమానులు ఆవేదన వ్యక్తం చేస్తున్నారు. ధర్మశాల పట్టణ పరిధిలోని 80 హోటళ్లు/గెస్ట్‌హౌస్‌లు మూసేయాలని, వాటికి నీరు, విద్యుత్ సరఫరా ఆపేయాలని కోర్టు తీర్పునిచ్చింది. ప్రస్తుతం వంద హోటళ్లే పనిచేస్తున్నాయి. హైకోర్టు తీర్పు నేపథ్యంలో ఆన్‌లైన్ బుక్కింగ్ బాగా తగ్గిపోయి నష్టాలను చవిచూస్తున్నామని హోటల్స్ అసోసియేషన్ ప్రెసిడెంట్ అశ్వినీ బాంబా వాపోయారు. గత ఏడాదితో పోల్చుకుంటే దసరాలకు కేవలం 25-30 శాతం వ్యాపారమే సాగిందని ఆయన అన్నారు. దీంతో నష్టాల నుంచి బయపడేందుకు 30 శాతం ఫ్లాట్ డిస్కౌంట్ ఇవ్వాలని యజమానులు నిర్ణయించినట్టు ఆయన వెల్లడించారు. నవంబర్ 1 నుంచి ఈ బుకింగ్‌లు అందుబాటులోకి వస్తాయన్నారు. రెండు రాత్రులు ఉండడానికి బుక్ చేసుకుంటే ఓ రాత్రి అదనంగా ఉండొచ్చని తెలిపారు. డిస్కౌంట్ ఆఫర్ల వల్ల దీపావళికి 50 నుంచి 60 శాతం వరకూ వ్యాపారం పెరుగుతుందన్న ఆశాభావం ఆయన వ్యక్తం చేశారు. ఈ ఏడాది పర్యాటకుల కోసం ప్రతి హోటల్‌లోనూ కంగ్రీ ధమ్(స్థానిక ఫుడ్‌ఫీస్ట్) ఉంటుంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.