జాతీయ వార్తలు
దళితులకు చేరువయ్యేందుకు భాజపా యత్నం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 17: ఎస్సీ/ఎస్టీలకు మరింత చేరువ కావడానికి భాజపా నేతృత్వంలోని ఎన్‌డీఏ యత్నాలు మొదలుపెట్టింది. ఇందులో భాగంగానే ప్రభుత్వ ఉద్యోగాల్లో ప్రమోషన్లలో ఎస్సీ, ఎస్టీ వర్గాలకు రిజర్వేషన్ సదుపాయం కల్పించే యోచనలో ఉన్నది. ఈ మేరకు త్వరలోనే ఆర్డినెన్స్‌ను జారీచేసే అవకాశం ఉంది. ఈ వర్గాలకు ప్రమోషన్లలో రిజర్వేషన్ల కల్పనను సుప్రీంకోర్టు ఆమోదించినా, అందుకు నిబంధనలు నిర్దేశించిన నేపథ్యంలో, తన తీర్పును పునఃపరిశీలించాలని కేంద్రం మళ్లీ అత్యున్నత న్యాయస్థానాన్ని అభ్యర్థిస్తుందని, కేంద్ర మంత్రి రామ్‌విలాస్ పాశ్వాన్ వెల్లడించారు. ఆయనే ప్రస్తుతం భాజపా నేతృత్వంలోని ఎన్‌డీఏకు ఎస్సీ, ఎస్టీ వ్యవహారంలో అధికార ప్రతినిధిగా వ్యవహరిస్తున్నారు. ఈ వర్గాల సమస్యలపై ఏర్పాటు చేసిన మంత్రుల సంఘంలో రామ్‌విలాస్ పాశ్వాన్ సభ్యులుగా ఉన్నారు. ఇదిలావుండగా ఆయన విలేకర్లతో మాట్లాడుతూ, ఎస్సీ, ఎస్టీలకు ప్రమోషన్లలో రిజర్వేషన్లను కల్పిస్తూ ఆర్డినెన్స్ తీసుకొని రావడానికి ప్రభుత్వానికి ఏవిధమైన అభ్యంతరం లేదు. కానీ దానికంటే ముందు, తీర్పుపై ప్రభుత్వం సుప్రీంకోర్టుకు వెళ్లాల్సి ఉంటుందన్నారు. ఎస్సీ/ఎస్టీ అత్యాచార చట్టం విషయంలో సుప్రీంకోర్టు ఇచ్చిన తీర్పు పై కేంద్రం రివ్యూ పిటిషన్ దాఖలు చేసింది. అంతకుముందు కోర్టు తీర్పుపై దేశవ్యాప్తంగా దళిత సంఘాలు చేపట్టిన ఆందోళన హింసాత్మక రూపం దాల్చడంతో, కేంద్రం పై నిర్ణయం తీసుకుంది. కాగా 2019 లోక్‌సభ ఎన్నికల నేపథ్యంలో తాము ఎస్సీ/ఎస్టీ వర్గాలకు అనుకూలమేనని తెలియజెబుతూ వారికి దగ్గరయ్యేందుకు ఉద్యోగాల్లో ప్రమోషన్ల కల్పనపై ముందడుగు వేస్తోంది. కాగా రామ్‌విలాస్ పాశ్వాన్ విలేకర్లతో మాట్లాడుతూ, ప్రమోషన్ ఇచ్చేముందు సదరు ఉద్యోగి వెనుకబాటును, సామర్థ్యాన్ని పరిశీలించాలని సుప్రీంకోర్టుకోరింది. అయితే సామర్థ్యం విషయంలో ఎస్సీ ఉద్యోగులు ఇత ర వర్గాలవారితో ఎంతమాత్రం తీసిపోరు అన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.