జాతీయ వార్తలు
అది భిన్న సంస్కృతిపై దాడే
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 2: భిన్న సంస్కృతులకు వ్యతిరేకంగానే అఫ్గానిస్తాన్‌లో దాడి జరిగిందని ప్రధాని నరేంద్ర మోదీ స్పష్టం చేశారు. ఈ దాడిని తీవ్రంగా ఖండిస్తున్నానని పేర్కొన్న ఆయన, మృతుల కుటుంబాలకు తీవ్ర సంతాపం వెలిబుచ్చారు. అఫ్గాన్ జలాలాబాద్‌లో ఆదివారం జరిగిన మానవ బాంబు దాడిలో 20మంది సిక్కు జాతీయులు మృతి చెందిన విషయం తెలిసిందే. సిక్కులను లక్ష్యంగా చేసుకుని ఈ దాడి జరిగిందని, భిన్న సంస్కృతి వేళ్లూనకుండా భయోత్పాతం సృష్టించేందుకు ఉగ్రవాదులు ఈ దాడికి తెగబడ్డారని ప్రధాని మోదీ పేర్కొన్నారు. ఈ దాడికి తీవ్రంగా ఖండిస్తున్నాననీ, గాయపడిన వారు త్వరగా కోలుకోవాలని ప్రార్థిస్తున్నానంటూ సోమవారం ఆయన ట్వీట్ చేశారు. ఈ విషాద సమయంలో అఫ్గాన్‌కు అన్నివిధాలుగా అండగా ఉంటామని హామీ ఇచ్చారు. కాగా, సిక్కు మైనారిటీలే లక్ష్యంగా మానవ బాంబు దాడి జరిగిందని, మరణించిన 20మందిలో ఎక్కువమంది సిక్కులేనని జలాలాబాద్ జిల్లా అధికారులు వెల్లడించారు. నగరంలోని ఓ ఆసుపత్రి ప్రారంభానికి విచ్చేసిన అఫ్గాన్ అధ్యక్షుడు అష్రాఫ్ ఘనీ పర్యటన ముగిసిన కొద్ది గంటల వ్యవధిలోనే ఈ దాడి జరగడం గమనార్హం. దాడి ధాటికి ముఖాబెరత్ స్క్వేర్‌లోని పలు దుకాణాలు, భవనాలు తీవ్రంగా దెబ్బతిన్నాయి. అధ్యక్షుడు ఘనీని కలిసేందుకు ఓ వాహనంలో విచ్చేసిన సిక్కులను లక్ష్యంగా చేసుకుని మానవ బాంబు పేలిందని పోలీసు అధికారులు వెల్లడించారు. ఈ దాడికి తామే బాధ్యులమని ఇంతవరకూ ఎవరూ ప్రకటించలేదు. తాలిబన్ ఉగ్రవాదులను అణచివేయాలంటూ అధ్యక్షుడు అఫ్గాన్ ఆదేశాలు ఇచ్చిన నేపథ్యంలో తమ ఉనికిని చాటుకునేందుకు, ఉద్రిక్తతలను పెంచేందుకు జరిగిన దాడిగా పోలీసులు భావిస్తున్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.