జాతీయ వార్తలు
ఎన్డీయేకి జేడీ(యూ) గుడ్‌బై?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 7: తెలుగుదేశం, శివసేన మాదిరిగా జేడీ(యూ) కూడా బీజేపీకి గుడ్‌బై చెబుతుందా? జేడీ(యూ) ఆదివారం తీసుకునే నిర్ణయం బిహార్ రాజకీయాల్లో కీలక మలుపు కానుందా? అవుననే అంటున్నారు రాజకీయ విశే్లషకులు. జేడీయూ జాతీయ కార్యవర్గం ఆదివారం ఢిల్లీలో సమావేశమై 2019లో జరిగే లోక్‌సభ ఎన్నికల్లో బీజేపీతో కలిసి పోటీ చేయాలా లేక స్వతంత్రంగా ముందుకు సాగాలా అనే అంశంపై లోతుగా చర్చించి ఒక నిర్ణయం తీసుకుంటుంది. ముఖ్యమంత్రి నితీశ్ కుమార్ చేసే ప్రకటన బిహార్‌లోని సంకీర్ణ ప్రభుత్వ భవితవ్యాన్ని తేల్చేస్తుందని విశే్లషకులు అంచనా వేస్తున్నారు. బీజేపీ అధ్యక్షుడు అమిత్ షా ఈ నెల 12న పాట్నాలో నితీశ్ కుమార్‌తో సమావేశమై లోక్‌సభ ఎన్నికల్లో సీట్ల సర్దుబాటు గురించి చర్చించనున్నారు. లోక్‌సభ ఎన్నికల్లో ఎవరెన్ని సీట్లలో పోటీ చేయాలనే అంశంపై బీజేపీ, జేడీ(యూ) మధ్య విభేదాలు తలెత్తాయి. బీజేపీతో పొత్తు కొనసాగాలా వద్దా, కొనసాగే పక్షంలో ఎవరెన్ని సీట్లలో పోటీ చేయాలి, బీజేపీకి ఎన్ని సీట్లు ఇవ్వాలి? అనే అంశంపై జేడీ(యూ) జాతీయ కార్యవర్గంలో చర్చించి ఒక నిర్ణయానికి వస్తారని అంటున్నారు. నితీశ్ కుమార్ ఇప్పుడిప్పుడే బీజేపీతో పొత్తు వదులుకునే స్థితిలో లేరు. ఆర్‌జేడీతో సమస్యలు ఎదురైనందుకే ఆయన బీజేపీ మద్దతుతో రాష్ట్రంలో ప్రభుత్వాన్ని నడిపిస్తున్న విషయం తెలిసిందే. బీజేపీ మద్దతు ఉపసంహరించుకున్న మరుక్షణం నితీశ్ కుమార్ ప్రభుత్వం పతనం కావడం ఖాయం. అలాగని బీజేపీతో పొత్తు కొనసాగిస్తే లోక్‌సభ ఎన్నికల్లో రాష్ట్రంలోని యాదవులు, మైనారిటీలు జేడీ(యూ)కు ఓటు వేయరనేది ఆయనకు బాగా తెలుసు. అందుకే ఆయన ఆచితూచి అడుగులేస్తూ, మొత్తం వ్యవహారాన్ని ఎంతో జాగ్రత్తగా నడిపిస్తున్నారు. నితీశ్ కుమార్ ఢిల్లీ పర్యటన సందర్భంగా కేంద్ర మంత్రి అరుణ్ జైట్లీ, ఎల్‌జేపీ అధ్యక్షుడు, కేంద్ర మంత్రి రాంవిలాస్ పాశ్వాన్‌తో సమావేశమై బిహార్ రాజకీయాల గురించి చర్చిస్తారు. ఈ చర్చలు ఇరుపక్షాలకు సంతృప్తినిస్తే నితీశ్ కుమార్ ప్రధాన మంత్రి నరేంద్ర మోదీతో కూడా సమావేశం అవుతారని జేడీ(యూ) వర్గాలు చెబుతున్నాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.