జాతీయ వార్తలు
చైనాను అడ్డుకోవాల్సిందే
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 22: హిందూ మహాసముద్ర ప్రాంతంలో శాశ్వత రక్షణ స్థావరాన్ని ఏర్పాటు చేసేందుకు చైనా చేస్తున్న ప్రయత్నాలను అడ్డుకునేందుకు ఆస్ట్రేలియా, భారత్, జపాన్, అమెరికా కలిసి పనిచేయాల్సిన అవసరం ఉందని ఈ నాలుగు దేశాలకు చెందిన కొన్ని సంస్థలు సూచిస్తున్నాయి. జపాన్‌కు చెందిన ససకావా పీస్ ఫౌండేషన్, భారత్‌కు చెందిన వివేకానంద ఇండియా ఫౌండేషన్, ఆస్ట్రేలియా నేషనల్ యూనివర్సిటీ, అమెరికాకు చెందిన ససకావా పీస్ ఫౌండేషన్ సంస్థలు హిందూమహాసముద్రం ప్రాంతం రక్షణకు సంబంధించి సంయుక్తంగా కార్యాచరణ రూపొందించేందుకు 20 మార్గదర్శకాలను విడుదల చేశాయి. భారత్, అమెరికా, జపాన్ దేశాలు కలిసి ఈ కార్యాచరణలో ఆస్ట్రేలియాను భాగస్వామ్యం చేసేందుకు ప్రయత్నించాలని సూచించాయి. హిందూ మహాసముద్రంలోని భూభాగాలపై రక్షణ స్థావరాలు ఏర్పాటు చేసేందుకు గల అవకాశాలపై ఈ దేశాలు అధ్యయనం చేయాలని తెలిపాయి. ఇలాంటి ప్రాంతాల్లో నేవల్ బేస్ ఏర్పాటు చేసి, దీర్ఘశ్రేణి ఆపరేషన్స్ నిర్వహించే వీలుండే విధంగా చర్యలు తీసుకోవాలని, అలాగే ఇండియన్ ఓషన్ రిమ్ అసోసియేషన్, ఇండియన్ ఓషనల్ నావల్ సింపోజియమ్, సౌత్ ఏరియా అసోసియేషన్, సార్క్ తదితర సంస్థలతో కలిపి పనిచేయాల్సిన అవసరం ఉందని సూచించాయి. దీనికి సంబంధించి గత ఏడాది నవంబర్‌లో మనీలాలో జరిగిన సమావేశంలో నాలుగు దేశాల అధినేతలు మొట్టమొదటిసారిగా చర్చించారు. సింగపూర్‌లో ఈ ఏడాది జూన్‌లో జరిగిన సమావేశంలో సీనియర్ అధికారుల మధ్య మరోసారి చర్చలు జరిగిన విషయం తెలిసిందే.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.