జాతీయ వార్తలు
‘లిటిల్ థింగ్స్’తో అభిమానాన్ని పొందా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 10: లక్షలాది మంది దంపతులు ప్రతిరోజు ఎదుర్కొనే సమస్యలను ప్రతిబింబిస్తూ ప్రసారమైన ‘లిటిల్ థింగ్స్’ ధారావాహిక రెండో సీజన్ కోసం ప్రేక్షకులు ఆసక్తిగా ఎదురుచూస్తున్నారని మిథిలాపాల్కర్ తెలిపారు. 2016లో యూ ట్యూబ్‌లో ప్రసారమైన ఈ షోతో రాత్రికి రాత్రే స్టార్‌హోదాను దక్కించుకున్న ఈమె ఇటీవలే ఈ షో రెండో సీజన్ ప్రసారానికి నెట్‌ఫ్లిక్స్‌తో ఒప్పందం కుదిరిన విషయాన్ని వెల్లడించింది. ఈ షోతో తాను ఇప్పటికే లక్షలాది మంది ప్రజల అభిమానాన్ని పొందానని తెలిపింది. లిటిల్‌థింగ్స్‌తోనే తన కోస్టార్ ధ్రువతో పరిచయం ప్రారంభమైందని, ఆ షో రెండు సంవత్సరాలు పూర్తి చేసుకుందని, ప్రేక్షకులు దీనిని ఎంతో ఆదరించారని, ఈ రెండేళ్లు తమతో పాటు ప్రయాణం చేశారని ఆమె పీటీఐతో తెలిపారు. ఈ షోలో ధ్రువతోతన కెమిస్ట్రీని ప్రేక్షకులు ఇష్టపడ్డారని అన్నారు. నిత్య జీవితంలో దంపతులు ఎదుర్కొనే పలు విషయాలకు సంబంధించిన కథలనే దీనిద్వారా తాము ప్రసారం చేస్తుండటంతో ప్రేక్షకులు పూర్తిగా తమకు కనెక్టు అయ్యారని తెలిపింది. సీజన్ ఒకటిలో పెళ్లికాని ధ్రువ, కావ్య జీవితాలలోని బంధాలు, కేరీర్, ముంబయి లాంటి మహానగరంలో ఎదురయ్యే సమస్యలు, జీవితంలో ఎదుర్కొనే చిన్నచిన్న అంశాలు చూపించామని, ఇక రెండో సీజన్‌కు వస్తే వారి అనుబంధం వల్ల ఎదుర్కొన్న గందరగోళం, అల్లరి సంఘటనలతో నిండి ఉంటుందని అన్నారు. ప్రతి బంధం కూడా పోరాటంతోనే ప్రారంభమవుతుందని, ఇద్దరి మధ్య బంధం పటిష్టంగా ఉన్నా ఇద్దరం రెండు వేర్వేరు మార్గాలలో పయనించడం వల్ల తమ బంధానికి దిశా, దశా లేకుండా పోయిందని, ఈ నేపథ్యంలో తాము ఎదుర్కొన్న సంఘటనలను ఇందులో చూపుతామన్నారు. నటుడు కారవాన్ మాట్లాడుతూ నెట్‌ఫ్లిక్స్‌లో ఇది ప్రసారం కావడం ఎంతో ఆనందాన్ని ఇస్తోందని అన్నారు. ఈ షో ఐదు భాషల్లోకి అనువాదం అయ్యిందని చెప్పారు. లిటిల్ థింగ్స్ సీజన్ టూకి జాతీయ అవార్డు గ్రహీత రుచిర్ అరుణ్ దర్శకత్వం వహించారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.