జాతీయ వార్తలు
రాజ్యసభలో పేరుకుపోతున్న బిల్లులు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 14: రాజ్యసభలో మూడు దశాబ్దాల క్రితం ప్రవేశపెట్టిన కొన్ని బిల్లులుసహా ఇప్పటికీ 45 బిల్లులు పెండింగ్‌లో ఉన్నాయి. మే నెలలో లోక్‌సభ సమావేశాలు ముగిసేనాటికి ఐదు బిల్లులు మాత్రమే పెండింగ్‌లో ఉన్నాయి. రాజ్యసభలో పెండింగ్‌లో ఉన్న బిల్లులో రాజ్యాంగం 120 రెండో సవరణ బిల్లు ఉంది. అదే జిఎస్‌టి బిల్లు. లోక్‌సభ ఆమోదం తెలిపిన తరువాత గత ఏడాది ఆగస్టులో ఎగువసభ ముందుకు బిల్లు వచ్చింది.
అలాగే మరో కీలక బిల్లు విజిల్ బ్లోయర్స్ ప్రొటెక్షన్ బిల్లు-2015 కూడా గత డిసెంబర్‌లో సభలో ప్రవేశపెట్టినా చర్చలు అసంపూర్తిగా ముగిశాయి. దీంతో అదీకాస్తా పెండింగ్‌లో పడిపోయింది. పార్లమెంటు బడ్జెట్, శీతాకాల సమావేశంల్లోనూ దీని ఊసేలేకుండా పోయింది. లోక్‌సభలోనూ ప్రాధాన్యత బిల్లులే పెండింగ్‌లో ఉన్నాయి. కన్జ్యూమర్ ప్రొటెక్షన్ బిల్లు-2015, బినామా ట్రాన్సాక్షన్ (ప్రొహిబిషన్) సవరణ బిల్లు-2015 పెండింగ్ జాబితాలో ఉన్నాయి. చాలా కాలంగా పెండింగ్‌లో ఉన్న జిఎస్‌టి బిల్లుకు వచ్చే పార్లమెంటు సమావేశాల్లో మోక్షం లభిస్తుందన్న ధీమాను ఆర్థిక మంత్రి అరుణ్ జైట్లీ వ్యక్తం చేశారు. బిల్లు ఆమోదానికి సభలో మద్దతు కూడగడుతున్నట్టు సోమవారం ఆయన స్పష్టం చేశారు. రాజ్యసభలో ప్రధాన ప్రతిపక్షమైన కాంగ్రెస్ కొన్ని సవరణలు ప్రతిపాదిస్తూ బిల్లును అడ్డుకుంటున్న సంగతి తెలిసిందే. గత పార్లమెంటు సమావేశాల్లో బిల్లుకు ఆమోదం పొందడానికి ప్రభుత్వం విఫలయత్నమే చేసింది. ఎన్‌డియే రెండేళ్ల పాలనలోనూ జిఎస్‌టి బిల్లుకు మోక్షం లభించలేదు. దశాబ్దాలుగా అనేక బిల్లులు పెండింగ్‌లోనే ఉన్నాయి. ఇండియన్ మెడికల్ కౌన్సిల్ (సవరణ) బిల్లు-1987, పార్టిసిపేషన్ ఆఫ్ వర్కర్స్ ఇన్ మేనేజ్‌మెంట్ బిల్లు-1990, రాజ్యాగం 79వ సవరణ బిల్లు-1992 ఆమోదానికి నోచుకోలేదు. మెడికల్ కౌన్సిల్ బిల్లుపై సంయుక్త కమిటీ 1989లోనే నివేదికను పంపింది. అలాగే వర్కర్స్ మేనేజ్‌మెంట్ బిల్లుకు సంబంధించి కార్మిక, సంక్షేమ వ్యవహారాలు చూసే పార్లమెంటు స్థాయి సంఘం 2001 డిసెంబర్‌లో నివేదిక అందజేసింది. దీనికి 11ఏళ్ల సయమం పట్టింది. అలాగే పెండింగ్‌లో ఉన్న కీలక బిల్లుల్లో వక్ఫ్ ప్రొటక్షన్-2014, భూ సేకరణకు సంబంధించి పునరావాసం, రీసెటిల్‌మెంట్ (సవరణ)-2015, ఎనిమీ ప్రాపర్టీ (సవరణ)-2016 ఉన్నాయి. ప్రైవేటు డిటెక్టివ్ ఏజెన్సీల (క్రమబద్ధం) బిల్లు-2007 రాజ్యసభలో పెడింగ్‌లో ఉంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.