జాతీయ వార్తలు
ఔషధ నియంత్రణ బిల్లు ఉపసంహరణ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 22: ఔషధ నియంత్రణ వ్యవస్థను బలోపేతం చేసే ఉద్దేశంతో యుపిఏ ప్రభుత్వం తీసుకువచ్చిన బిల్లును ఉపసంహరించుకొని, దాని స్థానంలో మూలకణ పరిశోధనసహా వివిధ రంగాల్లో సాధించిన ప్రగతిని దృష్టిలో ఉంచుకొని మరో కొత్త బిల్లును తీసుకు రావాలని కేంద్ర ప్రభుత్వం నిర్ణయించింది. రాజ్యసభలో ఇప్పటికే ప్రవేశపెట్టిన డ్రగ్స్, కాస్మొటిక్స్ (సవరణ) బిల్లు, 2013ను ఉపసంహరించువాలని బుధవారం సమావేశమైన కేంద్రమంత్రివర్గం నిర్ణయించింది. ఈ బిల్లులోని నిబంధనలను సవరించడానికి పార్లమెంటు స్థారుూ సంఘం పలు సిఫార్సులను చేసింది.
ఔషధాలు, వైద్య పరికరాలు, మూలకణాలు, పునరుత్పత్తి మందులు, క్లినికల్ ట్రయల్స్ లాంటి వాటి నాణ్యత, సేఫ్టీ, సామర్థ్యం కాపాడడానికి 1940నాటి డ్రగ్స్, కాస్మొటిక్స్ చట్టంలో ఒక రెగ్యులేటరీ వ్యవస్థను తీసుకురావడానికి ఈ బిల్లును ప్రవేశపెట్టారు. అయితే ప్రజారోగ్యాన్ని కాపాడడంలో ఔషధ రంగం పాత్రను దృష్టిలో పెట్టుకుని ముఖ్యంగా మూలకణాలు, పునరుత్పత్తి ఔషధాలు, వైద్య పరికరాలు, క్లినికల్ ట్రయల్స్ లేదా పరిశోధనల్లాంటి కొత్త రంగాల్లో వస్తున్న మార్పులను ఇప్పుడున్న చట్టం సమర్థవంతంగా రెగ్యులేట్ చేయలేదు కనుక ఇప్పుడున్న చట్టంలో మరిన్ని సవరణలు చేయడం సరికాదని భావించడం జరిగిందని ఒక అధికారిక ప్రకటన పేర్కొంది. అందువల్ల ‘మేక్ ఇన్ ఇండియా’లక్ష్యాన్ని దృష్టిలో పెట్టుకుని వ్యాపార నిర్వహణను సులభతరం చేయడంతోపాటుగా మన ఉత్పత్తుల నాణ్యత, సామర్థ్యాన్ని పెంచడమనే రెండు లక్ష్యాలతో ఇప్పుడున్న చట్టాన్ని సమగ్రంగా సమీక్షించాలని నిర్ణయించినట్లు ఆ ప్రకటన తెలిపింది. వైద్య పరికరాలను రెగ్యులేట్ చేయడానికి ఇప్పుడున్న చట్టంకింద ప్రత్యేకంగా నిబంధనావళిని రూపొందించడం, అలాగే వైద్యపరికరాలు, ఔషధాలు, కాస్మొటిక్స్‌ను రెగ్యులేట్ చేయడానికి ప్రత్యేక చట్టాలను తీసుకురావడం అనే రెండు స్థాయిలలో ఆరోగ్య మంత్రిత్వ శాఖ కసరత్తు ప్రారంభించింది. ఈ వ్యవహారంతో సంబంధం ఉన్న భాగస్వాములందరితో విస్తృతంగా చర్చలు జరిపిన తర్వాత వైద్య పరికరాలను రెగ్యులేట్ చేయడానికి ముసాయిదా నిబంధనలను రూపొందించి త్వరలోనే నోటిఫై చేయడం జరుగుతుందని, అలాగే కొత్త చట్టాన్ని రూపొందించే ప్రక్రియ కూడా మొదలవుతుందని ఆ ప్రకటన తెలిపింది. వైద్య రంగానికి సంబంధించిన పరికరాలను భారీఎత్తున ఉత్పత్తి చేసే దేశాల్లో భారత్ కూడా ఒకటి. ప్రతి ఏటా సుమారు 2 లక్షల ఓట్ల రూపాయల విలువైన పరికరాలను మన దేశంలో ఉత్పత్తి చేయడం జరుగుతోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.