జాతీయ వార్తలు
కాశ్మీర్‌లో పట్టుబడిన మిలిటెంట్ పాకిస్తాన్‌కు చెందినవాడే
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్, జూలై 27: జమ్మూ, కాశ్మీర్‌లో మంగళవారం భీకర ఎన్‌కౌంటర్ తర్వాత భద్రతా దళాలు ప్రాణాలతో పట్టుకున్న టెర్రరిస్టు పాకిస్తాన్ జాతీయుడని హోం మంత్రిత్వ శాఖ వర్గాలు తెలియజేశాయి. అతనిని పాకిస్తాన్‌లోని లాహోర్ నగరానికి చెందిన బహదూర్ అలీగా గుర్తించినట్లు హోం శాఖ సహాయ మంత్రి హన్స్‌రాజ్ అహిర్ కూడా చెప్పారు. కుప్వారా జిల్లాలోని నౌగామ్ సెక్టార్‌లో జరిగిన ఎన్‌కౌంటర్‌లో నలుగురు లష్కరే తోయిబా మిలిటెంట్లను హతమార్చిన భద్రతా దళాలు బహదూర్ అలీని ప్రాణాలతో పట్టుకున్న విషయం తెలిసిందే. బహదూర్ అలీ 22 ఏళ్ల యువకుడని, గెరిల్లా యుద్ధతంత్రాల్లో లష్కరే తోయిబానుంచి శిక్షణ తీసుకున్నాడని తెలుస్తోంది. అతని వద్దనుంచి భద్రతా దళాలు మూడు ఎకె-47 రైఫిళ్లు, రెండు పిస్టళ్లు, 23 వేల రూపాయల భారతీయ కరెన్సీని కూడా స్వాధీనం చేసుకున్నారు. భారత్-పాక్ సరిహద్దుల్లోని కుప్వారా జిల్లాలో ఒక పాకిస్తానీ టెర్రరిస్టు ప్రాణాలతో పట్టుబడడం గత రెండు నెలల్లో ఇది రెండోసారి. ఉగ్రవాదులు పాక్ ఆక్రమిత కాశ్మీర్‌లోని తీత్వాల్ ప్రాంతంనుంచి కాశ్మీర్ లోయలోకి సోమవారం ప్రవేశించినట్లు హోం శాఖ వర్గాలు తెలిపారు. అక్కడినుంచి వాళ్లు తంగ్‌ధార్ సెక్టార్‌కు, ఆ తర్వాత అక్కడినుంచి లీపావ్యాలీకి వెళ్లారని తర్వాత ఎన్‌కౌంటర్ చోటుచేసుకున్న ప్రాంతంలోని ఓ అడవిలో దాక్కున్నారని తెలుస్తోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.