జాతీయ వార్తలు
ఉరీ దాడి మేమే చేశాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, అక్టోబర్ 25: గత నెల జమ్మూ, కాశ్మీర్‌లోని ఉరీ సైనిక స్థావరంపై దాడి చేసింది తామేనని పాకిస్తాన్ ఉగ్రవాద సంస్థ లష్కరే తోయిబా ప్రకటించుకుంది. ఈ దాడిలో 20 మంది భారతీయ జవాన్లు చనిపోయిన విషయం తెలిసిందే. దాడికి పాల్పడిన నలుగురు ఉగ్రవాదులను భారత సైన్యం మట్టుపెట్టింది. ఈ నలుగురిలో ఒకరి అంత్యక్రియలు ఈ నెల 25న జరుగుతాయని లష్కరే తోయిబా పేరుతో పాకిస్తాన్ పంజాబ్ రాష్ట్రంలోని గుజ్రన్‌వాలా ప్రాంతంలో వాల్‌పోస్టర్లు వెలిశాయి. ప్రత్యేక ప్రార్థనల తర్వాత లష్కరే తోయిబా మాతృసంస్థ అయిన జమాత్ ఉద్ దవా చీఫ్ హఫీజ్ సరుూద్ ప్రత్యేక ప్రసంగం చేస్తారని కూడా ఆ పోస్టర్లలో ఉంది. దాడి చేసిన ఉగ్రవాదులు పాక్‌వైపునుంచే వచ్చారని ఉరీ దాడి జరిగిన రోజునుంచి మన దేశం చెప్తూ వస్తున్న విషయం, పాక్ ప్రభుత్వం ఈ మాటలను ఖండించడం విదితమే. అయితే ఇప్పుడు లష్కరే తోయిబా వాల్‌పోస్టర్లతో భారత్ వాదనకు ఊతం లభించినట్లయింది. భారత సైనిక స్థావరంపై దాడిచేసి లష్కరే తోయిబాకు చెందిన మహమ్మద్ అనస్ అలియాస్ అబూ సిరాఖా అమరుడైనట్లు ఉర్దూలో ఉన్న ఆ పోస్టర్లలో పేర్కొన్నారు. గుజ్రన్‌వాలా ప్రాంతానికి చెందిన ఇతని సంస్మరణార్థం జరిగే ప్రత్యేక ప్రార్థనల్లో పాల్గొనాలని స్థానికులను ఆ పోస్టర్‌లో ఆ సంస్థ ఆహ్వానించింది. అయితే లష్కరే తోయిబా ఉగ్రవాదులు ఈ దాడిలో 177 మంది భారతీయ సైనికులను హతమార్చినట్లు ఈ పోస్టర్‌లో పేర్కొనడం గమనార్హం. గుజ్రన్‌వాలాలోని గిరిజాఖ్ సమీపంలో ఉన్న బడానల్లా వద్ద అంత్యక్రియల ప్రార్థనా సమావేశం జరుగుతుందని కూడా ఆ పోస్టర్‌లో పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.