జాతీయ వార్తలు
జయ మా అమ్మ ఈరోడ్ యువకుడు హల్‌చల్
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, మార్చి 15: జయలలిత మరణం తరువాత తమిళనాట రోజుకో నాటకీయ పరిణామాలు జరుగుతున్నాయి. తాజాగా కృష్ణమూర్తి అనే యువకుడు తాను జయలలిత కుమారుడినంటూ హడావుడి సృష్టించాడు. ఈరోడ్‌కు చెందిన అతడు రాష్ట్ర ప్రధాన కార్యదర్శి గిరిజా వైద్యనాథన్‌ను కలిసి ఫిర్యాదు చేశాడు. జయలలిత ఏకైక కుమారుడిని తానేనంటూ మూర్తి చెప్పుకొచ్చాడు. జయలలితను శశికళే మెట్లపై నుంచి తోసేసిందని అతడు ఆరోపిస్తున్నాడు. ఇంతకాలం తాను జయలలిత స్నేహితురాలు వాణితమాణి ఇంట్లో ఉన్నానని కృష్ణమూర్తి స్పష్టం చేశాడు. అంతేకాదు 2016 సెప్టెంబర్ 14న పోయెస్ గార్డెన్‌లో జయలలిత ఇంటికి వెళ్లి ఆమెను కలిసినట్టు తెలిపాడు. ‘నన్ను తన కుమారుడిగా జయలలిత పరిచయం చేశారు. ఆ సందర్భంలోనే జయ, శశికళ మధ్య వాగ్వివాదం జరిగింది. కోపం పట్టలేని శశికళ మా అమ్మను మెట్లపై నుంచి తోసేసింది. సెప్టెంబర్ 22న ఈ సంఘటన జరిగింది’ అని గిరిజా వైద్యనాథన్‌కు అందజేసిన ఫిర్యాదులో అతడు వెల్లడించాడు.
అలాగే జయలలిత ఆస్తిపాస్తులకు తానే నిజమైన వారసుడినని, అవన్నీ తనకే చెందుతాయని కృష్టమూర్తి వాదిస్తున్నాడు. ఇలా ఉండగా తమిళనాడు అసెంబ్లీ మాజీ స్పీకర్ పిహెచ్ పాండియన్ కూడా జయలలిత మరణంపై ఇలాంటి ఆరోపణలే చేశారు. పోయెస్ గార్డెన్‌లో జయను మెట్లపైనుంచి తోసేశారని దీంతో ఆమెను అపోలో ఆసుపత్రికి తరలించినట్టు ఆయన చెప్పారు. జయలలిత మృతి తరువాత అన్నాడిఎంకె ఎంపీలు రెండుగా చీలిపోయారు. ఒక గ్రూపు మాజీ ముఖ్యమంత్రి ఓ పన్నీర్‌సెల్వంకు మద్దతుగా నిలిచారు. మరోవర్గం ముఖ్యమంత్రి ఇ పళనిస్వామితో ఉంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.