జాతీయ వార్తలు
సల్వీందర్‌పై లై డిటెక్టర్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 19:పంజాబ్‌లోని పఠాన్‌కోట్ వైమానిక కేంద్రంపై జరిగిన ఉగ్రవాద దాడికి దారితీసిన పరిణామాలను శోధిస్తున్న ఎన్‌ఐఎ మంగళవారం సీనియర్ పోలీసు అధికారి సల్వీందర్ సింగ్‌పై నేర నిర్థారణ పరీక్ష జరిపింది. గత ఐదు రోజులుగా సల్వీందర్ సింగ్‌ను విచారిస్తున్నప్పటికీ ఆయన వెల్లడించిన వివరాల్లో పొంతన లేకపోవడం వల్ల ఈ పరీక్ష జరిపినట్టు అధికారులు తెలిపారు. బుధవారం కూడా ఈ పరీక్ష ద్వారా సల్వీందర్ నుంచి మరిన్ని వివరాలను రాబట్టేందుకు ప్రయత్నిస్తామన్నారు. పంజాబ్ పోలీసుల ముందు సల్వీందర్ సింగ్ చెప్పిన దానికి, తమ ముందుకు వెల్లడించిన వివరాలకు ఎక్కడా పొంతన లేదని, అందుకే ఆయనపై లై డిటెక్టర్ పరీక్ష అవసరమని ఎన్‌ఐఎ అధికారులు ప్రత్యేక కోర్టుకు నివేదించారు. ఈ పరీక్షను ఎదుర్కొనేందుకు సల్వీందర్ కూడా అంగీకరించారు. ప్రస్తుతం సెంట్రల్ ఫోరెన్సిక్ విభాగానికి చెందిన అధికారులు సల్వీందర్ సింగ్‌ను ప్రశ్నిస్తున్నారు. అసలు ఉగ్రవాద దాడి జరగడానికి దారితీసిన పరిస్థితుల క్రమాన్ని నిర్థారించేందుకే సల్వీందర్‌ను అధికారులు ప్రశ్నిస్తున్నారు. ఉగ్రవాదులు కిడ్నాప్ చేసిన తర్వాత జరిగిన పరిణామాలను అతడి నుంచి కూలంకషంగా రాబట్టేందుకు అధికారులు ప్రయత్నిస్తున్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.