జాతీయ వార్తలు
విలువలతోనే యువత రాణింపు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 19: సామరస్యపూర్వక సమాజ నిర్మాణానికి వీలుగా దేశ ప్రజల్లో లౌకిక భావనలను మరింతగా శక్తివంతం చేయాల్సిన అవసరం ఉందని రాష్టప్రతి ప్రణబ్ ముఖర్జీ పిలుపునిచ్చారు. మంగళవారం నాడిక్కడ ఉన్నత విద్యా సంస్థలు, సివిల్ సర్వీస్ సంస్థలను ఉద్దేశించి మాట్లాడిన ప్రణబ్ ముఖర్జీ దేశ యువతకు విలువ ఆధారిత విద్యను అందించడం ఎంతో అవసరమన్నారు. ముఖ్యంగా ప్రజాస్వామ్యయుత ప్రవర్తనా సూక్తిని యువతలో బలంగా పాదుగొల్పాలని, దీనివల్లే భారత దేశ సమున్నత వైవిధ్యాన్ని అర్థం చేసుకోగలుగుతుందని స్పష్టం చేశారు.
భారత ఆదర్శాలను అవగతం చేసుకోవడానికి భిన్న భావనలను సమప్రాధాన్యతతో స్వీకరించడానికి ఈ రకమైన అవగాహన ఎంతగానో తోడ్పడుతుందని తెలిపారు. భారతీయ ఆలోచనలోనే లౌకిక భావన బలంగా కనిపిస్తుందని, దీన్ని యువతలో మరింత పాదుగొల్పి సామరస్యపూర్వక సమాజ నిర్మాణానికి బలమైన పునాదులు వేయాలన్నారు. లింగసమానత్వం గురించి కూడా మాట్లాడిన ఆయన, సమీకృత సమాజ నిర్మాణానికి ఇది అత్యంత కీలకమని ఉద్ఘాటించారు. ఇటీవలి కాలంలో దేశంలో అనేకచోట్ల మహిళలకు అమానుషాలు, అకృత్యాలు, హింసాత్మక దాడులు జరిగిన విషయాన్ని గుర్తుచేసిన రాష్టప్రతి, వీటికి దూరంగా సమానత్వ భావనతో యువత ముందుకు వెళ్లేలా చర్యలు చేపట్టాలన్నారు. ఈ సంఘటనలన్నీ కూడా సామాజిక వైపరీత్యాలను, లోపాలను, దుష్ట ఆలోచనలను తొలగించేందుకు దోహదం చేయాలన్నారు.
మహిళలను గౌరవించడం సామాజిక పవిత్ర ధర్మమని, ఈ విలువలు మన నాగరిక జీవనంలోనే శక్తిని సంతరించుకున్నాయని తెలిపారు.
వీటన్నింటినీ కూడా భారత రాజ్యాంగం మరింత పరిపుష్టం చేసిందని వెల్లడించారు. ఇళ్లలోనూ, విద్యా సంస్థల్లోనూ కూడా మహిళ పట్ల గౌరవ భావనను పెంపొందించేలా ప్రతి ఒక్కరూ తమ వంతు కృషిచేయాలన్నారు. ఇలా చేయడం వల్ల పిల్లల్లో ఎదిగేకొద్దీ మహిళల పట్ల గౌరవ భావం పెరుగుతుందని, ఉత్తమ వ్యక్తిత్వ లక్షణాలను సంతరించుకోవడానికి ఆస్కారం ఉంటుందని తెలిపారు. సామాజిక, ఆర్థిక సమానత్వాన్ని సాధించకుండా సమీకృత సమాజ నిర్మాణం సాధ్యం కాదని వెల్లడించారు. సమాజార హక్కు చట్టం, మహిళా సాధికారత, ఉపాధి కల్పన, విద్య, ఆహార భద్రత వంటి ప్రాథమిక అంశాలను నాటి యుపిఏ సర్కార్ చట్టబద్ధమైన హామీని కల్పించిందని రాష్టప్రతి తెలిపారు. అలాగే ఇటీవల ఎన్డీయే సర్కార్ చేపట్టిన అనేక కార్యక్రమాలు కూడా డిజిటల్ భారత ఆవిష్కరణకు, ఆదర్శ గ్రామాల విస్తరణకు దోహదం చేసేవేనని వెల్లడించారు.
చిత్రం..
రాష్టప్రతి భవన్‌లో మంగళవారం ఉన్నత విద్యా సంస్థలు, సివిల్ సర్వీస్ సంస్థలను
ఉద్దేశించి వీడియో కాన్ఫరెన్స్‌లో మాట్లాడుతున్న ప్రణబ్ ముఖర్జీ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.