జాతీయ వార్తలు
వైరస్ ప్రాంతాలకు వెళ్లొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జనవరి 2: ప్రపంచ దేశాలను మరో వైరస్ గడగడలాడిస్తోంది. దోమకాటు కారణంగా వ్యాపించే జికా వైరస్ దాదాపు అన్ని దేశాల్లోనూ హాహాకారాలు రేకెత్తిస్తున్న నేపథ్యంలో భారత ప్రభుత్వం మార్గదర్శకాలను జారీచేసింది. ఈ వైరస్ తీవ్రతను దృష్టిలో పెట్టుకుని ప్రపంచ ఆరోగ్య సంస్థ హెల్డ్ ఎమర్జెన్సీని విధించిన నేపథ్యంలో భారత ప్రభుత్వం కూడా అప్రమత్తమైంది. జికా వైరస్ కారణంగా తలెత్తే వ్యాధులను ఏ విధంగా అరికట్టాలనే దానిపై మంగళవారం స్పష్టమైన ఆదేశాలను జారీచేసింది. ముఖ్యంగా ఈ వైరస్ ఉన్న ప్రాంతాలకు ఎవరూ వెళ్లకూడదంటూ పర్యాటకపరమైన ఆంక్షలు విధించింది. ఒకవేళ ఇలాంటి ప్రాంతాలకు వెళ్లే ఆలోచన ఉన్న వ్యక్తులు, ముఖ్యంగా గర్భిణులు ఆ కార్యక్రమాన్ని వాయిదా వేసుకోవడమో లేక రద్దు చేసుకోవడమో చేయాలని స్పష్టం చేసింది. దేశంలోని అన్ని అంతర్జాతీయ విమానాశ్రయాలు, రేవుల్లో ఈ వ్యాధికి సంబంధించిన సమాచారాన్ని పోస్టర్ల ద్వారా ప్రచారం చేస్తామని ఆరోగ్య మంత్రిత్వ శాఖ తెలిపింది. ఈ వైరస్ వ్యాపించిన దేశాల నుంచి వ్యక్తులు ఏమాత్రం తమ ఆరోగ్యంలో తేడా వచ్చినా వెంటనే కస్టమ్స్ విభాగాన్ని సంప్రదించాలని కోరింది. ఆడీస్ ఆజిప్టి అనే దోమకాటు కారణంగా వ్యాపించే ఈ వైరస్ వల్ల జన్మతహా పిల్లలకు అనేక లోపాలు తలెత్తుతాయని ఆరోగ్య మంత్రిత్వ శాఖ హెచ్చరించింది. ఇప్పటివరకూ భారతదేశంలో ఈ వైరస్ జాడ లేకపోయినా, దీనివల్లే తలెత్తే డెంగ్యూ వ్యాధి తీవ్రంగా ఉందని తెలిపింది. భారత్‌లోకి ఎవరి కారణంగానూ జికా వైరస్ రాకుండా విస్తృత స్థాయిలో నివారణ, నిరోధక చర్యలు తీసుకోవాలని సంబంధిత విభాగాలను ఆదేశించినట్లు ఆరోగ్య మంత్రి జె.పి.నడ్డా తెలిపారు. ఈ వైరస్‌కు సంబంధించిన మొత్తం పరిస్థితిని భారత వైద్య పరిశోధనా మండలి (ఐసిఎంఆర్), సాధారణ ఆరోగ్య సర్వీసుల డైరెక్టర్‌లకు చెందిన సంయుక్త బృందం పర్యవేక్షిస్తుందని నడ్డా వెల్లడించారు. ఎప్పటికప్పుడు పరిస్థితిని సమీక్షించడంతోపాటు తక్షణమే అవసరమైన చర్యలను కూడా ఈ బృందం సూచిస్తుందని, పరిస్థితి తీవ్రతను బట్టి తక్షణ ప్రతిస్పందన బృందాలను (ఆర్‌ఆర్‌పి)లను కూడా అన్ని రాష్ట్రాల్లోనూ కేంద్ర స్థాయిలోనే ఏర్పాటుచేస్తామని నడ్డా తెలిపారు. ఈ బృందాల్లో ప్రజారోగ్య నిపుణులు, సూక్ష్మ జీవులకు సంబంధించిన నిపుణులు, అలాగే ఒక వైద్య నిపుణుడు ఉంటారని ఆరోగ్య శాఖ వెల్లడించింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.