జాతీయ వార్తలు
మాట నిలబెట్టుకోండి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: ఉగ్రవాద నిరోధానికి సంబంధించి ఇచ్చిన హామీలన్నింటినీ పాకిస్తాన్ నెరవేర్చాల్సి ఉంటుందని భారత ప్రభుత్వం గురువారంనాడు విస్పష్టంగా ప్రకటించింది. భారత్‌కు వ్యతిరేకంగా ఉగ్రవాద కార్యకలాపాలను చేపట్టడానికి తమ భూభాగాన్ని ఎట్టి పరిస్థితుల్లోనూ ఉపయోగించనివ్వమంటూ అనేక సందర్భాల్లో పాక్ హామీ ఇచ్చిందని, కాని ఏకోశానా వాటిని నెరవేర్చలేదని విదేశాంగ శాఖ సహాయ మంత్రి వి.కె.సింగ్ రాజ్యసభలో ఒక ప్రశ్నకు సమాధానంగా తెలిపారు. పొరుగున వున్న పాక్‌తో సాధారణ సంబంధాలను పునరుద్ధరించడానికి భారత్ ప్రయత్నిస్తోందని ఆయన వెల్లడించారు. పఠాన్‌కోట్‌పై జరిగిన దాడి అనంతరం ఉగ్రవాద నిరోధానికి సంబంధించిన హామీలను పాక్ దృష్టికి తీసుకెళ్లామని వెల్లడించారు. ఈ దాడికి బాధ్యులైన వ్యక్తులను, సంస్థలను చట్టప్రకారం శిక్షించాలని కోరినట్లుగా తెలిపారు. పాకిస్తాన్‌తో ఉన్న సమస్యలన్నింటినీ శాంతియుత చర్చలద్వారా పరిష్కరించుకునేందుకు భారత్ సిద్ధంగా ఉందన్నారు. అయితే దీనికి ముందు భారత వ్యతిరేక ఉగ్రవాద కార్యకలాపాలను నిరోధించడానికి పాక్ అవసరమైన అన్ని చర్యలూ తీసుకోవాలని స్పష్టం చేశారు.
పఠాన్‌కోట్ దాడి నేపథ్యంలో ఇరుదేశాల మధ్య జరగాల్సిన విదేశాంగ కార్యదర్శుల స్థాయి చర్చలు ఆగిపోయాయి. పాక్ కేంద్రంగా పనిచేస్తున్న జైషే మహ్మద్ అనే ఉగ్రవాద సంస్థే పఠాన్‌కోట్‌పై దాడికి కుట్ర పన్నిందని అప్పట్లోనే భారత్ స్పష్టం చేసింది. అంతేకాదు, జైషే మహ్మద్ అధినేత మసూద్ అజాద్ ఆ దాడికి కుట్ర పన్నినట్లుగా వెల్లడించింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.