సాహితి

నేను బహువచనాన్ని

S ,7 à 8 RSCA (si SASPAS) et 6 cialis pharmacie cialis rapports de stage.

Published Sunday, 5 March 2017

నేను ఒంటరిగాడినే
ఒక్కడిగా ఉన్నప్పుడు
గుంపులోని జనంలో
నేనెప్పుడూ అందరిని

బృందగానంలో
నా గాత్రం కలిస్తే
నా గళం ఒక్కటి కాదు
అది కోటి గొంతుకల
కమనీయ గానం

వీణలోని తంత్రులవలే
అందరిలో కలిసున్నప్పుడు
నా నాదం
అమృత వాయిద్యం

వర్షంలో ఓ చినుకునైనా
నదిలో పడితే నదినౌతానని
గాలిబ్ చెప్పిన మాటలు
నా అంతరాంతరాలల్లో
స్ఫూర్తినిస్తూనే ఉంటాయి

భూమిలో విత్తుగా
ఒంటరితనం అనుభవించి
మొలకెత్తి కళ్ళుతెరిస్తే
నాకే గర్వమనిపించింది
సైనికుల్లా వరుసల్లో
నిలబడ్డ చివురుల్లో
నేనూ భాగమని

అందుకే చెబుతున్నా
నేను
ఏకవచనాన్ని కాదు
ఎప్పుడూ బహువచనాన్ని

- జంధ్యాల రఘుబాబు, 9849753298