ఉత్తరాయణం
నిరుద్యోగులపై సమ్మెట దెబ్బ
S ,7 à 8 RSCA (si SASPAS) et 6 cialis pharmacie cialis rapports de stage.
దేశంలో అత్యున్నత చదువులు చదివి కనీసం నాలుగో తరగతి ఉపాథి లేక కోట్లాది మంది నిరుద్యోగులు బాధపడుతున్నారు. తల్లిదండ్రులకు భారమై ఉద్యోగ నియామకానికి గరిష్ఠ వయసు దాటి సతమత వౌతున్న వారెందరో ఉన్నారు. ప్రభుత్వాలు ఉద్యోగ ఖాళీలు భర్తీ చేయకుండా కాంట్రాక్ట్, ఔట్‌సోర్సింగ్ విధానంలో పనులు చేయించటంతో సంబంధిత అధికారి, ప్రజా ప్రతినిధుల సంబంధీకులనే ఆ ఖాళీలు వరిస్తున్నాయి. అత్యధిక మందికి, ఉన్నత ర్యాంకులు సాధించిన వారికి సర్కారీ కొలువు ఎండమావే అవుతున్నాయి. ఇటువంటి పరిస్థితుల్లో రైల్వే బోర్డు పదవీ విరమణ (60) చేసిన పిదప మరో రెండేళ్లు ఉద్యోగం చేసే విధంగా ఉత్తర్వులు జారీ చేయటం నిరుద్యోగులపై సమ్మెట దెబ్బకు ఉపక్రమించినట్లయింది. ప్రజల కోసం ఎన్నో సంస్కరణలు చేస్తున్న కేంద్ర రాష్ట్ర ప్రభుత్వాలు నిరుద్యోగుల కడుపు నింపే విధంగా నిర్ణయాలు తీసుకోవాలి.
-యర్రమోతు ధర్మరాజు, ధవళేశ్వరం
ఎన్టీఆర్ మీద సినిమా తీయాల్సిందే!
నటులు మరియు ముఖ్యమంత్రిగా చేసిన కీర్తిశేషులు తారక రామారావు గారి మీద వర్మ గాని, తేజ గాని లేదా మరెవరైనా సినిమాలు తీస్తే కచ్చితంగా ఆహ్వానించవలసిందే.
చాలామంది పౌరాణిక, చారిత్రాత్మక మరియు నాయకుల సినిమాలు తీసినప్పుడు లేని అభ్యంతరం ప్రస్తుతం కూడా ఉండకూడదు. ‘మండలాధీశుడు’ లాంటి రాజకీయ సినిమాలు తీసినప్పుడు ఎవరూ అభ్యంతర పెట్టలేదు. ప్రస్తుతం ‘మహానటి’ పేరుతో నటి సావిత్రి గారిపై సినిమా తీస్తుంటే ఆమె కూతురు సైతం అభ్యంతరపెట్టడం లేదు. అభ్యంతర పెట్టడమంటే రామారావుగారి తెర వెనుక చరిత్ర బయటకు వస్తుందని భయపడటమే.
-బి.వి.కోటేశ్వరరావు, వౌలాలి
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.