వెంటాడుతున్న కాలుష్యం

మహానగరాలను కాలుష్యభూతం ఆవహిస్తోంది. దేశ రాజధానిలో హెల్త్ ఎమర్జెన్సీ ప్రకటించేంతగా అక్కడి వాతావరణం కలుషితమైపోవడం బాధాకరం. కాలం చెల్లిన వాహనాలు, పరిశ్రమలు, చుట్టుపక్కల ప్రాంతాల్లో పెద్దఎత్తున పంటలను కాల్చివేయడం వంటి చర్యల వల్ల రాజధానిలో వాతావరణం కలుషితమైపోయింది. అందువల్లే ఆ మధ్య దీపావళి సందర్భంలో బాణసంచా విక్రయాలు, వినియోగంపై పెద్దఎత్తున విమర్శలు వచ్చాయి. కోర్టు కూడా కొన్ని ఆంక్షలను విధించింది. ప్రజల్లో మార్పు వస్తే తప్ప మంచిరోజులు రావు. కాలుష్యం మరింత పెరగకుండా అందరూ చొరవ చూపాలి.

-సరికొండ శ్రీనివాసరాజు, హైదరాబాద్