ఉత్తరాయణం
28వ తేదీనే ఉగాది
S ,7 à 8 RSCA (si SASPAS) et 6 cialis pharmacie cialis rapports de stage.
ఈనెల 28వ తేదీన అమావాస్య ఉదయం 8.27 గంటల వరకు, 29న తెల్లవారు ఝామున 5.45 గంటల వరకు పాడ్యమి ఉన్నాయి. 29వ తేదీ ఉదయానికి పాడ్యమి లేదు. ఆ కారణంగా 28వ తేదీన మాత్రమే తెలుగు సంవత్సరాది ‘ఉగాది’ని మనం ఆచరించాలి. పూర్వ పద్ధతి పంచాంగములలో ఉదయం ఏడు గంటల వరకూ 29వ తేదీన పాడ్యమి ఉన్నది కాబట్టి ఆ పద్ధతి వారు 29వ తేదీన ఉగాది అంటున్నారు.
‘దృక్ సిద్ధము’ అనగా కనులకు కనిపించేది అని అర్థము. ఆ కారణంగా దానికి అనుగుణంగానే గణన సాగాలి. ‘దృక్ తుల్యతాం గ్రహా’ అని సూర్య సిద్ధాంతం. ‘చంద్రార్కౌ సాక్షిణౌ’ సూర్యచంద్రులే సాక్షులు అనేది సరియైన విధానం. దృక్ పద్ధతి ప్రకారమే వ్రతాలు, పండుగలు ఆచరించాలి.
ప్రస్తుతం అనుసరిస్తూ ఉన్న దృక్ సిద్ధాంతం 1954లో అప్పటి ప్రధానమంత్రి జవహర్‌లాల్ నెహ్రూ ఏర్పరచిన ‘క్యాలెండర్ రిఫార్మర్ కమిటీ’ వారు నిర్ణయించినది. ఆ కమిటీలో ఆ కాలము నాటి పండితులు పలువురు ఉన్నారు. అనేక రాష్ట్రాల నుంచి వచ్చిన పండితులు నిర్ణయించిన విధానంలో భారత ప్రభుత్వం నేటికీ సుమారు 16 భాషలలో పంచాంగాన్ని అందిస్తోంది. అలా కేంద్ర ప్రభుత్వ సమ్మతము దృక్ సిద్ధము. ఆధునీకులు యంత్రముల ద్వారా గమనించినపుడు కనిపించేటటువంటిది అయిన దృక్ సిద్ధ పంచాంగానే్న అనుసరించడం ధర్మం. అన్ని దేశాలలోనూ న్యూ మూన్, ఫుల్ మూన్ పూర్తయ్యే సమయములు దృక్ సిద్ధము ద్వారానే గుర్తించబడుతున్నాయి. ఈ లెక్కల్లోనే గ్రహణాలు ప్రత్యక్షంగా కనిపిస్తాయి. ఉత్తరాయణం ప్రత్యక్షంగా కనిపిస్తుంది. ప్రత్యక్షం జ్యోతిషం శాస్త్రం. ‘చంద్రార్కౌ తత్ర సాక్షిణౌ’ అనే మాటను అనుసరించి 28వ తేదీన దృక్ పద్ధతిని అనుసరించి ఉగాదిని ఆచరించాల్సి ఉంటుంది.
- డాక్టర్ సి.వి.బి. సుబ్రహ్మణ్యం
వినియోగదారుడే దేవుడు
ఆన్‌లైన్‌లోనూ, షాపుల్లోనూ కోట్లలో వ్యాపారం
ప్రపంచం పిడికిడంత మార్కెట్‌గా మారిన వ్యవహారం
ఆరోగ్యం, విద్య, బ్యాంకింగ్.. సేవల ముసుగులో వ్యాపారం
వినియోగదారుల సంక్షేమార్థం ప్రభుత్వం ఉత్తుత్తి ప్రచారం
వస్తువుల్లో లోపాలుంటేనే కాదు నేరం
బ్యాంకులు, ఆసుపత్రుల నుండి అన్నింటిలో
వినియోగదారులకు చూపాలి పరిష్కారం
వినియోగదారులే దేవుళ్లనే గాంధీగారి బోధనా సారం
పాటించి తీరడం అత్యవసరం
విక్రయించేవాడూ వినియోగదారుడే
భూమిమీద వినియోగదారుడు కానివాడు లేడే!
అమ్మేవాడిలో నిజాయితీ ఉన్ననాడే
వ్యాపారంలో విలువలు పాటించిన నాడే
నాణ్యతకు విలువను ఇచ్చిన నాడే
విజయవంతమైన ‘వరల్డ్ కన్స్యూమర్స్ డే’ (15 మార్చి)
- చావలి శేషాద్రి సోమయాజులు, సాలూరు
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.