ఉత్తరాయణం
కోరికల చిట్టా
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీకర.. శుభకరా! సుఖశాంతుల నిలయంగా
జగతిని మార్చుమయ్యా!
ఓ బాలగణపతీ! నీ లీలతో బాలలకు
బంగారు భవితను చూపవయ్యా!
శుక్లాంభరా! మాకు శుద్ధజ్ఞానమందించి
అజ్ఞాన చీకట్లు తొలగించవయ్యా!
ఓ బొజ్జ గణపయ్య! ఒజ్జవై విచ్చేసి
నాణ్యమైనట్టి విద్యను అందించవయ్యా!
ఓ బుద్ధి గణపయ్య! రావయ్య.. సద్బుద్ధినిచ్చి
యువతను సన్మార్గాన నడుపవయ్యా!
ఓ పాలచంద్రా! ఓ ధూమకేతు! లంచావతారాల్ని,
కామంధులను తరమవయ్యా!
ఓ గణపతీ! చూసావా మా దేశ బాధలు?
పరిష్కార మార్గాలు చూపించవయ్యా!
ఓ విఘ్ననాయక! నీకు వేవేల దండాలు!
సరిహద్దు బాధలను రూపుమాపవయ్యా!
ఓ శూర్పకర్ణా! నీదు శూలాన్ని చేపట్టి
క్రూర మానవుల కోరల్ని త్రుంచవయ్యా!
ఓ హేరంబుడా! మాకు శూరత్వమందించి
విజయపథమున మమ్ము నడిపించవయ్య!
ఓ గంభీర నినదాయ! వన్యాయ వరదాయ!
పర్యావరణ జాగృతిని జనులకందించవయ్యా!
ఓ మూషిక వాహనుడా! కాలుష్యమైనట్టి
ప్రతి అంశాన్ని శుద్ధి చేసెడి సాధనమీయవయ్యా!
ఓ లకుమికర, చింతామణి, వనప్రియా!
హరిత సంపదను గణనీయంగా పెంచవయ్యా!
ఓ పార్వతీ తనయుడా! ప్రకృతి స్వరూపుడా!
మట్టితో చేసేటి బొమ్మలో కొలువుండి
ముదముగా మా పూజలందుకోవయ్యా!
-చావలి శేషాద్రి సోమయాజులు, సాలూరు
Related Articles
ఆఫ్రికా, ఆసియా (పాకిస్థాన్) తదితర ఖండాలలో గత కొంతకాలంగా మిడతల వల్ల పంటలు దెబ్బతిని ఆర్థికంగా తాము తీవ్రంగా నష్టపోతున్నామని అక్కడ రైతులు తీవ్ర ఆవేదన వ్యక్తం చేస్తున్నారు. మిడతల దాడివల్ల గోధుమ, మొక్కజొన్న, ప్రత్తి వంటి పంటలతోపాటు పలు కూరగాయల సాగుకు కూడా అవరోధం ఏర్పడుతుంది.
ఈ మధ్యే కేంద్ర ఆర్థికశాఖ మంత్రి నిర్మలా సీతారామన్ ప్రవేశపెట్టిన బడ్జెట్ మరోసారి మన రాష్ట్ర అభివృద్ధికి చెప్పుకోదగ్గ రీతిలో ఏ మాత్రం నిధులు కేటాయించకుండా మరోసారి మొండి చెయ్యి చూపించి మన రాష్ట్ర ప్రజానీకాన్ని తీవ్ర నిరాశ నిస్పృహలకు గురిచేసింది.
తెలంగాణా రాష్ట్రానికి న్యాయంగా రావాల్సిన రైల్వే ప్రాజెక్టులను మంజూరు చేయడంలోను, ఇప్పటికే మంజూరైన ప్రాజెక్టులకు పనులు వేగవంతం అయ్యేందుకు తగిన నిధులు ప్రణాళికాబద్ధంగా విడుదల చేయడంలోనూ కేంద్ర ప్రభుత్వం బహుశా రాజకీయ అవసరాల కారణంగా తీవ్ర అలక్ష్యం ప్రదర్శిస్తోంది.
కేంద్ర మానవ వనరుల అభివృద్ధి మంత్రిత్వశాఖ ఆంధ్రప్రదేశ్‌లో ఏర్పాటుచేసిన గిరిజన విశ్వవిద్యాలయానికి- అలనాడు సవర (గిరిజన) భాషా వికాసానికి సేవలందించిన గిడుగు రామ్మూర్తి పేరు పెట్టాలి. రాష్ట్ర సవర భాషా సంఘం కూడా ఈ ప్రతిపాదనను పరిశీలించాలని గత నాలుగేళ్లనుండి డిమాండు చేస్తోంది.
కుల రిజర్వేషన్లు ఫలితంగా భారతదేశంలో ఎంతోమంది తెలివైన మేధావులు వారియొక్క శక్తియుక్తులు మనం వినియోగించుకోక పోవడంతో, విదేశాలకు ఉపయోగపడటంతో అవి అగ్ర రాజ్యాలుగా తయారయ్యాయి. అగ్రవర్ణాలలో చదువుకున్న అనేకమంది నూటికి నూరుమార్కులు సాధించినా వారికి సరైన ఉపాధి లేదు.