ఆటోనడిపిన మంత్రి మాణిక్యాలరావు

తాడేపల్లిగూడెం, జూన్ 10: బిసి కార్పోరేషన్ సబ్సిడీ రుణంతో మంజూరైన ఆటోను దేవాదాయ శాఖ మంత్రి పైడికొండల మాణిక్యాలరావు శుక్రవారం స్వయంగా నడిపి ప్రారంభించారు. రూరల్ మండలం దండగర్ర గ్రామంలో మిద్దే వెంకటేశ్వరరావుకు బిసి కార్పొరేషన్ ద్వారా ఆటో సబ్సిడీ రుణం మంజూరైంది. దీనిద్వారా సమకూర్చిన ఆటోను స్థానిక మంత్రి కార్యాలయం వద్ద శుక్రవారం మంత్రి మాణిక్యాలరావు స్వయంగా నడిపి ప్రారంభించారు. ఈ కార్యక్రమంలో బిజెపి నాయకులు కంచుమర్తి నాగేశ్వరరావు పాల్గొన్నారు.