జాతీయ వార్తలు
‘హలో, నేను ఐఎస్‌ఐ ఏజెంట్‌ను’
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 28: ‘హలో, నేను ఐఎస్‌ఐ ఏజెంట్‌ను. కాని, నేను ఇకముందు ఆ పని చేయాలని కోరుకోవడం లేదు. భారత్‌లో ఉండిపోవాలని కోరుకుంటున్నాను’ అని ఎయిర్ ఇండి యా విమానంలో దుబాయి నుంచి ఇక్కడి ఇందిరా గాంధీ అంతర్జాతీయ విమానాశ్రయానికి చేరుకున్న పాకిస్తాన్‌కు చెందిన ఒక వ్యక్తి శుక్రవారం ఇక్కడ చేసిన వ్యాఖ్యలివి. పాకిస్తాన్ పాస్‌పోర్ట్ కలిగి ఉన్న ముహమ్మద్ అహ్మద్ షేక్ ముహమ్మద్ రఫీక్ అనే ఈ వ్యక్తి విమానాశ్రయంలోని ఒక హెల్ప్ డెస్క్ వద్దకు వెళ్లి కౌంటర్‌లో ఉన్న ఒక మహిళను ఉద్దేశించి ఈ వ్యాఖ్యలు చేశాడు. పాకిస్తాన్ గూఢచార సంస్థ ఐఎస్‌ఐకి సంబంధించిన సమాచారాన్ని కూడా తాను తెలియజేస్తానని అతను చెప్పాడు. అతని మాట లు విని ఆశ్చర్యపోయిన ఆ మహిళ వెంటనే ఈ విషయాన్ని భద్రతాధికారులకు చెప్పారు. భద్రతాధికారులు వెంటనే రఫీక్‌ను అదుపులోకి తీసుకొని, కేంద్ర నిఘా సంస్థలకు సమాచారం చేరవేశారు. దుబాయి నుంచి ఇక్కడికి ఎయిరిండియా విమానంలో వచ్చిన 38 ఏళ్ల రఫీక్ ఇక్కడి నుంచి ఖాట్మండుకు వెళ్లడానికి టికెట్ కూడా బుక్ చేసుకొని ఉన్నాడు. అయితే తరువాత విమానమే ఎక్కకుండా బ్రేక్ జర్నీ చేయాలని నిర్ణయించుకున్నాడు. తరువాత విమానాశ్రయంలోని హెల్ప్ డెస్క్ కౌంటర్‌కు వెళ్లాడు.
భద్రతాధికారుల విచారణలో రఫీక్ తనకు ఐఎస్‌ఐతో సంబంధాలు ఉన్నాయని, అయితే తాను వాటిని మానుకోవాలని, భారత్‌లో ఉండిపోవాలని నిర్ణయించుకున్నానని చెప్పినట్లు అధికారులు తెలిపారు. అయితే భద్రతాధికారులు వెంటనే రఫీక్‌ను గుర్తు తెలియని ప్రదేశానికి తీసుకెళ్లారని, వేర్వేరు కేంద్ర నిఘా సంస్థలకు చెందిన అధికారులు అతడిని విచారిస్తున్నారని వారు తెలిపారు. రఫీక్ చెప్పిన విషయాలు సరయినవా? కావా? అనేది ధ్రువపరచుకోవడానికి ప్రయత్నిస్తున్నారని వారు చెప్పారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.