జాతీయ వార్తలు
రాజీవ్ సేవలు చిరస్మరణీయం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ: దివంగత మాజీ ప్రధాని రాజీవ్ గాంధీకి ప్రధాన మంత్రి నరేంద్ర మోదీ, కాంగ్రెస్ అధినేత రాహుల్ గాంధీ తదితర ప్రముఖ నేతలు సోమవారం నాడిక్కడ ఘనంగా నివాళులు అర్పించారు. రాజీవ్ గాంధీ 74వ జయంత్యుత్సవాల నేపథ్యంలో ఆయన సేవలను నేతలు కొనియాడారు. ఇక్కడి వీర్‌భూమిని సందర్శించిన మాజీ రాష్టప్రతి ప్రణబ్ ముఖర్జీ, మాజీ ప్రధాన మంత్రి మన్మోహన్ సింగ్, యూపీఏ చైర్ పర్సన్ సోనియా గాంధీ, కాంగ్రెస్ చీఫ్ రాహుల్ గాంధీతోబాటు కాంగ్రెస్ సీనియర్ లీడర్లందరూ రాజీవ్‌కు పుష్పాంజలి ఘటించి నివాళులు అర్పించారు. దేశానికి రాజీవ్
చేసిన సేవలు చిరస్మరణీయమని ఈ సందర్భంగా ప్రధాన మంత్రి నరేంద్ర మోదీ ట్విట్టర్‌లో ప్రస్తుతించారు. 1944 ఆగస్టు 20న జన్మించిన రాజీవ్ గాంధీ 1984 నుంచి 1989 వరకు ప్రధాన మంత్రి పదవిలో ఉన్నారని, వారి తండ్రి నెహ్రూతో తనకున్న అనుబంధం సమున్నతమైనదని మోదీ గుర్తుచేసుకున్నారు. విశిష్ట వ్యక్తిత్వం కలిగిన రాజీవ్ అందరినీ ప్రేమించే స్వభావం కలవారని ఆయన అకాల మరణం తనను ఎంతగానో కుంగదీసిందని తెలిపారు. రాజీవ్ జీవించివుండగా ఆయనతో కలిసి అనేక పుట్టిన రోజులు జరుపుకోవడం అదృష్టంగా భావిస్తున్నానన్నారు. ఆయన లేకున్నా జ్ఞాపకాలు మాత్రం ఎప్పటికీ మిగిలివుంటాయన్నారు. కాగా భర్త రాబర్ట్ వాద్రాతో కలిసి వీర్ భూమికి వచ్చిన ప్రియాంక వాద్రాతోబాటు మాజీ కేంద్ర మంత్రి మణిశంకర్ అయ్యర్ మాజీ ప్రధాని రాజీవ్‌కు ఘనంగా నివాళులు అర్పించారు. కాంగ్రెస్ అధికార ప్రతినిధి రణ్‌దీప్ సింగ్ సుర్జేవాలా ఈ సందర్భంగా మాట్లాడుతూ దేశాన్ని ఆధునికత వైపు నడిపిన మహోన్నత మార్గదర్శి రాజీవ్ గాంధీ అని కీర్తించారు. ఆయన యువజనులందరికీ స్ఫూర్తిప్రదాతగా అభివర్ణించారు. శాంతి, సౌభ్రాతృత్వాలకు, త్యాగశీలతకు ఆయనే ఆదర్శమన్నారు. కాగా రాజీవ్ గాంధీ భవిష్యత్ దృక్పథం కలిగిన మహానేత అని రాజస్థాన్ కాంగ్రెస్ చీఫ్ సచిన్ పైలెట్ ట్విట్టర్‌లో పేర్కొన్నారు. రాజీవ్ జయంతిని సద్భావనా దివస్‌గా జరుపుకుంటున్న విషయాన్ని ఆయన గుర్తుచేశారు. ఇక నెహ్రూ కుటుంబానికి కంచుకోటగా పేరొందిన అమేథీలో రాజీవ్‌గాంధీ జయంత్య్రుత్సవాలు ఘనంగా జరిగాయి.
చిత్రం..రాజీవ్ జయంతి సందర్భంగా పార్లమెంటు హాలులోని ఆయన చిత్రపటానికి నివాళులర్పిస్తున్న లోక్‌సభ స్పీకర్ సుమిత్రా మహాజన్, మాజీ ప్రధాని మన్మోహన్ సింగ్, ఎల్.కె.అద్వానీ, సోనియా, రాహుల్ తదితరులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.