జాతీయ వార్తలు
పొలిటికల్ సైన్స్ అంటే వంట నేర్పే సబ్జెక్ట్!
S ,7 à 8 RSCA (si SASPAS) et 6 cialis pharmacie cialis rapports de stage.
పాట్నా, జూన్ 1: పొలిటికల్ సైన్స్ అంటే వంటలు నేర్పే సబ్జెక్ట్ అట. ఇంటర్మీడియట్‌లో ఆ సబ్జెక్ట్‌లో రాష్ట్రంలోనే టాపర్‌గా నిలిచిన ఓ విద్యార్థిని చెప్పిన సమాధానమిది. అంతేకాదు ఆ అమ్మాయి ఆ పదాన్ని సరిగా ఉచ్చరించలేకపోయింది కూడా. సైన్స్‌లో ఫస్ట్ ర్యాంక్ సాధించిన మరో విద్యార్థి అయితే తన సబ్జెక్ట్‌కు సంబంధించిన ప్రాథమిక స్థాయి ప్రశ్నలకు కూడా సమాధానం చెప్పలేక పోయాడు. బిహర్ స్కూల్ ఎగ్జామినేషన్ బోర్డు ఈ ఏడాది నిర్వహించిన పరీక్షల్లో రాష్ట్రంలోనే టాపర్లుగా నిలిచిన వారి తెలివితేటలు ఇలా ఏడిస్తే మిగతా లక్షలాది మంది విద్యార్థుల స్థాయి ఎలా ఉంటుందో ఎవరైనా ఊహించవచ్చు. గత వారం ఈ పరీక్ష ఫలితాలను ప్రకటించారు. ఈ పరీక్షల్లో టాపర్లుగా నిలిచిన కొంతమందిని స్థానిక న్యూస్ చానల్ ఇంటర్వ్యూ చేసింది. ఆ దృశ్యాలు టీవీల్లో ప్రసారం కావడంతో బిహార్ రాష్ట్ర ప్రభుత్వం బిక్కమొగం వేయడమే కాకుండా ఈ మొత్తం పరీక్షలపైన విచారణకు ఆదేశించింది.
అంతేకాకుండా ఎగ్జామినర్లు వారికి అంత గొప్ప మార్కులు ఇవ్వడానికి వెనుక ఉన్న వాస్తవం ఏమిటో తెలుసుకోవడానికి ఈ మూడు సబ్జెక్ట్‌లలో టాప్ ర్యాంకులు పొందిన అయిదుగురిని నిపుణుల కమిటీ తిరిగి పరీక్షిస్తుందని రాష్ట్ర విద్యా శాఖ మంత్రి అశోక్ చౌదరి చెప్పారు.
న్యూస్ చానల్ ప్రశ్నించిన ఈ ఇద్దరు టాపర్లు వైశాలి జిల్లాలోని భగవాన్‌పూర్‌లో ఉన్న బిషున్ రాయ్ కాలేజికి చెందిన వారు. గత ఏడాది కూడా ఈ కాలేజి తీవ్ర వివాదాల్లో చిక్కుకుంది. పరీక్షల్లో పెద్ద ఎత్తున అక్రమాలు జరిగాయంటూ ఫిర్యాదులు రావడంతో ఆ కాలేజి ఫలితాలను అప్పటి విద్యా శాఖ మంత్రి పికె షాహి నిలిపి వేశారు కూడా.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.