అంజన్నకు సీతారామ పతకం వితరణ

గుంతకల్లు, జూన్ 7 : ప్రసిద్ధ పుణ్యక్షేత్రం కసాపురం శ్రీ నెట్టికంటి ఆంజనేయస్వామికి కర్నూలు జిల్లా ఆదోనికి చెందిన ప్రేమరెడ్డి కుటుంబ సభ్యులు శ్రీసీతారామలక్ష్మణులు కల్గిన బంగారు పతకాన్ని వితరణ చేశారు. ఈమేరకు మంగళవారం 119 గ్రాముల బంగారు పతకంతో పాటు చైన్‌ను స్వామివారికి సమర్పించారు. అనంతరం దాతలకు ఆలయ అర్చకులు ప్రత్యేక పూజలు నిర్వహించారు. చైన్‌తో పాటు శ్రీసీతారామ లక్ష్మణ ప్రతిమలు కల్గిన పతకాన్ని స్వామివారి అలంకారంలో వినియోగించనున్నట్లు ఎఇఓ ధనుంజయ తెలిపారు.