చిన్నారులను అంగన్‌వాడీల్లో చేర్చండి

కమలాపురం, జూన్ 7:చిన్నారులను అంగన్‌వాడీల్లో చేర్పించి నాణ్యమైన విద్య అందేలా చూడాలని ఐసిడియస్ ప్రాజెక్టు అధికారి శ్రీమతమ్మ కోరారు. మంగళవారం మండల పరిధిలోని నల్లింగాయపల్లె గ్రామంలో నిర్వహించిన అంగన్‌వాడీ పిలుస్తోంది కార్యక్రమంలో ఆమె పాల్గొన్నారు. ఈ సందర్భంగా ఆమె మాట్లాడుతూ ఈ ఏడాది నుంచి అంగన్వాడీ కేంద్రాల్లో ప్రభుత్వం నర్సరీ, ఎల్‌కెజి, యుకెజి ప్రారంభించనున్నట్లు తెలిపారు. చదువుతో పాటు ఉచితంగా పౌష్టికాహారం అందించడం జరుగుతుందన్నారు. ఈ అవకాశాన్ని గ్రామస్థులు సద్వినియోగం చేసుకోవాలని కోరారు. ఈ కార్యక్రమంలో సర్పంచ్ సంటెమ్మ, అంగన్‌వాడీ సూపర్‌వైజర్ సునీత, కార్య కర్తలు,మహిళలు పాల్గొన్నారు.