నిరాదరణ కు గురైన వ్యక్తి ఆత్మహత్య

జగ్గయ్యపేట, జూన్ 9: అనారోగ్యం, నిరాదరణకు గురై పట్టణంలోని మున్సిపల్ మార్కెట్ యార్డ్ ఆవరణలో ఒక వ్యక్తి ఉరి వేసుకొని ఆత్మహత్య చేసుకున్నాడు. పట్టణ పోలీసులు తెలిపిన వివరాల ప్రకారం... ఎస్ రామరాజు (45) గత కొద్దికాలంగా అనారోగ్యానికి గురై మున్సిపాలిటీకి చెందిన పాత కూరగాయల మార్కెట్‌లో నివాసం ఉంటున్నాడు. గురువారం ఉదయం ఉరి వేసుకొని ఉండగా గమనించిన స్థానికులు బంధువులకు, పోలీసులకు సమాచారం ఇచ్చారు. మృతదేహాన్ని పోర్టుమార్టం కోసం ఆసుపత్రికి తరలించారు.