కళ్లద్దాల కెమెరాలు ప్రారంభం

గచ్చిబౌలి, జూన్ 10: సైబరాబాద్ కమిషనరేట్ పరిధిలో ట్రాఫిక్ విభాగానికి కళ్లద్దాల కెమెరాలను కమిషనర్ ఆనంద్ అందించారు. దేశంలో మొదటిసారి ఐ వార్న్ కెమెరాలను సైబరాబాద్‌లో ప్రవేశపెట్టారు. గతంలో బాడీ కెమెరాలతో మంచి ఫలితాలు రావడంతో కళ్లద్దాల కెమెరాలకు శ్రీకారం చుట్టారు. ఏడు కెమెరాలను సిటిపి అందించింది. 32 జిబి డాటా సామర్థ్యం కలిగి 21 గంటల ఆడియో వీడియో రికార్డింగ్ సౌకర్యం ఉంది. కిట్ బ్యాగ్‌లు, స్టేషన్‌లో ఉపయోగించే కంప్యూటర్లు, ట్యాబ్‌లను కమిషనర్ ఆనంద్ అందించారు. కార్యక్రమంలో ట్రాఫిక్ డిసిపి ఎఆర్ శ్రీనివాస్ పాల్గొన్నారు.