జాతీయ వార్తలు
అక్రమంగా భూసేకరణ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 26: మల్లన్న సాగర్ ప్రాజెక్టు కోసం వేలాది మంది రైతుల నుండి తెలంగాణ ప్రభుత్వం అక్రమంగా భూములు తీసుకుంటోందని కాంగ్రెస్ సభ్యుడు ఎం.ఏ.ఖాన్ మంగళవారం రాజ్యసభలో ఆరోపించారు. రాజ్యసభ జీరో అవర్‌లో మల్లన్నసాగర్ రైతుల సమస్యల గురించి ప్రస్తావించేందుకు డిప్యూటీ చైర్మన్ పి.జె.కురియన్‌తో ఖాన్ వాగ్వివాదానికి దిగారు. మీరిలా గొడవ చేస్తే సభ నుండి బయటకు పంపించాల్సి వస్తుందని కురియన్ హెచ్చరించినా ఖాన్ మాత్రం మల్లన్నసాగర్ రైతుల సమస్యలు ప్రస్తావించేందుకు తనకు సమయం ఇవ్వాలంటూ పోడియం వద్దకు వచ్చి గొడవ చేశారు. రాజ్యసభ ఈరోజు ఉదయం పదకొండు గంటలకు సమావేశం కాగానే ఎం.ఏ.ఖాన్ లేచి మల్లనసాగర్ ప్రాజెక్టు రైతుల సమస్య అంశాన్ని ప్రస్తావించారు. తన అనుమతి లేకుండా ఎలా మాట్లాడుతారని కురియన్ ఆయనను ప్రశ్నించారు. మీరు ఇష్టానుసారం వ్యవహరించటం మంచి పద్ధతి కాదని ఒక దశలో కురియన్ హెచ్చరించినా ఖాన్ పట్టించుకోలేదు. మీరు జీరో అవర్‌లో మాట్లాడేందుకు నోటీసు ఇచ్చారా? అని కురియన్ ప్రశ్నించినా ఖాన్ తన ధోరణిలో మాట్లాడుతూ తెలంగాణ ప్రభుత్వం బలవంతంగా రైతుల నుండి భూమి తీసుకుంటోందనీ, అడ్డుకుంటున్న వారిపై పోలీసులను ప్రయోగిస్తున్నారని ఆరోపించారు. ఈ దశలో కురియన్ కల్పించుకుని మీరు నోటీసు ఇచ్చారా అని ప్రశ్నించారు. జీరో అవర్ నోటీసు నిన్ననే ఇచ్చానని ఖాన్ బదులిచ్చారు. మీరిచ్చిన నోటీసు ఇక్కడ లేదు, నోటీసు ఇచ్చి ఉంటే మీరొకసారి రాజ్యసభ చైర్మన్‌ను కలుసుకుని మాట్లాడుకోవాలని కురియన్ సూచించారు. దీనికి ఆగ్రహం చెందిన ఖాన్ పోడియం వద్దకు వచ్చి ఆయనతో వాదనకు దిగారు. నోటీసు ఇచ్చినా మాట్లాడేందుకు ఎందుకు అనుమతించటం లేదంటూ ప్రశ్నించారు. మీరిలా పోడియం వద్దకు రావటం మంచిది కాదని కురియన్ హెచ్చరించటంతో ఖాన్ తన సీటులోకి వెళ్లటంతో పరిస్థితి సద్దుమణిగింది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.