జాతీయ వార్తలు
ఆ మార్పులు అమ్మ చేసినవే..!
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై, అక్టోబర్ 12: తమిళనాడు ముఖ్యమంత్రి జయలలిత ‘సలహా’మేరకే ఆమె నిర్వహిస్తున్న శాఖలను ఆర్థిక మంత్రి ఒ.పన్నీర్ సెల్వంకు బదలాయించినట్లు గవర్నర్ సిహెచ్.విద్యాసాగర్ రావు చేసిన ప్రకటనపై ప్రతిపక్ష డిఎంకె అధినేత కరుణానిధి విస్మయం వ్యక్తం చేశారు. గత కొన్ని వారాలుగా ఆసుపత్రిలోనే ఉన్న జయలలిత ఆమోదంతోనే శాఖల మార్పిడి జరిగిందంటూ గవర్నర్ చెప్పడం ఆశ్చర్యాన్ని కలిగిస్తోందని పేర్కొన్నారు. అయితే ఆయన అనుమానాలను అధికార అన్నాడిఎంకె తిరస్కరించింది. జయలలిత సలహా మేరకే శాఖల బదలాయింపు జరిగిందని పార్టీ అధికార ప్రతినిధి స్పష్టం చేశారు. గవర్నర్ నిర్ణయంపై అనేక ప్రశ్నలను సంధించిన కరుణానిధి జయలలిత తన శాఖల బదలాయింపునకు సంబంధించిన ఫైలుపై సంతకం చేశారా? లేక వాటిని బదలాయించాలని సలహా ఇచ్చారా? అనే ప్రశ్న కొంతమందిలో తలెత్తుతోందని ఆయన వివరించారు. జయలలిత తాను నిర్వహిస్తున్న శాఖలను తనకు విశ్వాసపాత్రుడయిన మంత్రి పన్నీర్ సెల్వంకు కేటాయించడాన్ని డిఎంకె కోశాధికారి, తన కుమారుడయిన ఎంకె.స్టాలిన్ మంగళవారం స్వాగతించిన మరుసటి రోజే కరుణానిధి ఈ ప్రకటన చేయడం విశేషం. కాంగ్రెస్ ఉపాధ్యక్షుడు రాహుల్ గాంధీ, కేంద్ర మంత్రి వెంకయ్య నాయుడు, స్టాలిన్ సహా కొంత మంది నాయకులు అపోలో ఆసుపత్రిని సందర్శించినప్పటికీ వారెవరికీ జయలలితను నేరుగా చూసే అవకాశం ఇవ్వలేదని కరుణానిధి పేర్కొన్నారు. జయలలిత గత 19 రోజులుగా ఆసుపత్రిలో చికిత్స పొందుతున్నప్పటికీ ప్రభుత్వం నుంచి ఇప్పటి వరకు అధికారికంగా ఒక్క ప్రకటన కూడా వెలువడలేదని ఆయన పేర్కొన్నారు. జయలలిత నిర్వహిస్తున్న శాఖలను పన్నీర్ సెల్వంకు బదలాయించడం అనేది పరిపాలనా సౌలభ్యం కోసం తీసుకున్న చర్య కాబట్టి ఆమోదనీయమేనని ఆయన పేర్కొన్నారు. అయితే గవర్నర్ ఈ ఏర్పాటు చేయడంలో రాజ్యాంగపరమైన అన్ని ప్రమాణాలను పరిగణనలోకి తీసుకున్నారా? అనేదే ఇక్కడ సందేహమని కరుణానిధి పేర్కొన్నారు.
అపోలోను సందర్శించిన జైట్లీ, షా
జయలలిత చికిత్స పొందుతున్న ఇక్కడి అపోలో ఆసుపత్రిని కేంద్ర ఆర్థిక మంత్రి అరుణ్ జైట్లీ, బిజెపి అధ్యక్షుడు అమిత్ షా బుధవారం సందర్శించారు. సుమారు అరగంట సేపు వారు ఆసుపత్రిలో ఉన్నట్లు బిజెపి వర్గాలు తెలిపాయి. జయలలిత ఆరోగ్య పరిస్థితి, ఆమెకు అందిస్తున్న చికిత్స గురించి తెలుసుకున్న తరువాత వారిద్దరు మీడియాతో మాట్లాడకుండానే ఆసుపత్రి నుంచి వెళ్లిపోయారు. అంతకుముందు చెన్నై విమానాశ్రయంలో వారిద్దరికి తమిళనాడుకు చెందిన బిజెపి నాయకులు, అధికారులు స్వాగతం పలికారు. జయలలిత ఆరోగ్య పరిస్థితి గురించి తెలుసుకోవడానికి చెన్నైలోని అపోలో ఆసుపత్రిని బుధవారం సందర్శించామని, ఆమె త్వరగా కోలుకోవాలని ఆకాంక్షిస్తున్నామని తరువాత జైట్లీ, షా సామాజిక మాధ్యమం ట్విట్టర్‌లో వేర్వేరుగా చేసిన పోస్ట్‌లలో పేర్కొన్నారు. పుదుచ్చేరి మాజీ ముఖ్యమంత్రి ఎన్.రంగస్వామి కూడా బుధవారం అపోలో ఆసుపత్రిని సందర్శించారు. అనంతరం ఆయన విలేఖరులతో మాట్లాడుతూ జయలలిత త్వరగా కోలుకోవాలని ప్రార్థిస్తున్నట్టు చెప్పారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.