జాతీయ వార్తలు
పని ఒత్తిడివల్లే పొరపాట్లు
S ,7 à 8 RSCA (si SASPAS) et 6 cialis pharmacie cialis rapports de stage.
తిరువనంతపురం, అక్టోబర్ 24: సౌమ్య కేసులో సుప్రీం కోర్టు ఇచ్చిన తీర్పును తప్పుబట్టిన మాజీ న్యాయమూర్తి మార్కండేయ కట్జూ మరొక అడుగు ముందుకేసి ‘పని ఒత్తిడి వల్లే తీర్పులో పొరపాట్లు జరిగి ఉంటాయి’ అని వ్యాఖ్యానించారు. సౌమ్య హంతకుడు గోవిందసామికి కేరళ హైకోర్టు విధించిన మరణశిక్షను సుప్రీం కోర్టు యావజ్జీవ శిక్షగా మార్చిన సంగతి తెలిసిందే. గోవిందస్వామి శిక్షను తగ్గించడాన్ని తీవ్రంగా విమర్శించిన సుప్రీం కోర్టు మాజీ న్యాయమూర్తి మార్కండేయ కట్జూ తాజాగా ఫేస్‌బుల్‌లో పోస్టింగ్ చేశారు. ‘కేరళ హైకోర్టు విధించిన మరణశిక్షను యావజ్జీవ ఖైదుగా తగ్గించడం ద్వారా సుప్రీం కోర్టు పొరపాటు చేసిందని నేను ఇప్పటికీ నమ్ముతున్నాను’ అని ఆయన పునరుద్ఘాటించారు. ‘పని ఒత్తిడివల్లే సుప్రీం కోర్టు ఇలాంటి తీర్పును ఇచ్చి ఉంటుంది. కోర్టులో ఉన్న పెండింగ్ కేసులను తగ్గించుకునే ప్రయత్నంలో జరిగిన పొరపాటే గోవిందసామి కేసులో చోటుకేసుకుని ఉంటుంది’ అని కట్జూ అన్నారు. సౌమ్య కేసులో ప్రెస్ కౌన్సిల్ మాజీ చైర్మన్ మార్కండేయ కట్జూ చేసిన వ్యాఖ్యలు సుప్రీం కోర్టుకు ఆగ్రహం తెప్పించాయి. నవంబర్ 11న కోర్టుకు హాజరయ వివరణ ఇవ్వాల్సిందిగా సుప్రీం ఆదేశించింది. సుప్రీం ఆదేశాలపై తీవ్రంగానే స్పందించిన ఆయన కోర్టుకు హాజరకాబోనని చెప్పారు. ఇప్పుడు మళ్లీ ఆయనే 11న మధ్యాహ్నం 2 గంటలకు స్వయంగా హాజరవుతానని వెల్లడించారు. ‘ముందు నేను కోర్టుకు హాజరుకాకూడదనే నిర్ణయించుకున్నాను. కోర్టు నోటీసు చదివాను. ఆ రోజు రమ్మని నన్ను ఆదేశించినట్టు నోటీసులో లేదు. మర్యాదపూర్వంగానే పిలిచారు. కాబట్టి వెళ్తాను’ అని సోమవారం ఆయన ప్రకటించారు. బ్రిటిష్ న్యాయమూర్తి లార్డ్ డెన్నింగ్ వ్యాఖ్యలను కట్జూ గుర్తుచేస్తూ ‘జడ్జిలు కూడా మనుషులే. పొరపాట్లు చేయడానికి ఆస్కారం ఉంది. ఇది నాకు కూడా వర్తిస్తుంది. నేను ఇచ్చిన తీర్పుల్లోనూ పొరపాట్లు జరిగి ఉంటాయి’ అని మాజీ న్యాయమూర్తి పేర్కొన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.