రాష్ట్రీయం
మిగులుకు చేరుకున్నాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: మిగులు విద్యుత్ రాష్ట్రంగా ఆంధ్ర అవతరించిందని, వచ్చే వేసవిలో కొరత పరిస్థితి తలెత్తదని సిఎం చంద్రబాబు అన్నారు. రాష్ట్రంలో పరిశ్రమలు, వ్యవసాయానికి కోతలు లేకుండా విద్యుత్ సరఫరా చేసే స్థితికి చేరామన్నారు. శుక్రవారం విద్యుత్ శాఖ ఉన్నతాధికారులతో సమీక్ష నిర్వహించారు. సమీక్ష వివరాలను ఇంధన శాఖ కార్యదర్శి అజయ్ జైన్ వెల్లడించారు. ప్రస్తుతం సగటున రోజుకు రాష్ట్రంలో 150 మిలియన్ యూనిట్ల విద్యుత్ అందుబాటులో ఉందన్నారు. వచ్చే వేసవిలో ఒకవేళ విద్యుత్ డిమాండ్ 165 ఎంయుకు చేరుకున్నా, ఎవరికీ ఎటువంటి అంతరాయం, కోతలు లేకుండా విద్యుత్ సరఫరా చేస్తామన్నారు. రాష్ట్రంలో విద్యుత్ లేని ఇండ్లు నాలుగు లక్షలున్నాయని, ఈ ఏడాది జూన్‌లోగా వాటికీ విద్యుత్ కనెక్షన్లు ఇస్తామన్నారు. సిస్టమ్ ఏవరేజ్ ఇంటరప్షన్ ఫ్రీక్వెన్సీ ఇండెక్స్, సిస్టమ్ ఏవరేజ్ ఇంటరప్షన్ డ్యురేషన్ ఇండెక్స్ పద్ధతుల ద్వారా క్రమం తప్పకుండా విద్యుత్ వ్యవస్థలను పర్యవేక్షించాలని డిస్కాంలను ఆదేశించారు. విద్యుదుత్పత్తి, పంపిణీ విభాగాల్లో దేశంలో అగ్రస్థానంలో ఆంధ్రప్రదేశ్ ఉందన్నారు. వందశాతం ఇండ్లకు విద్యుద్ధీకరణ చేయాలన్న లక్ష్యం జూన్‌నాటికి పూర్తి చేస్తామన్నారు. విద్యుత్ పంపిణీ నష్టాలను 10.39 శాతం నుంచి సింగిల్ డిజిట్‌కు తగ్గిస్తామన్నారు. వ్యవసాయానికి 10వేల సౌర విద్యుత్ పంపుసెట్ల మంజూరు చేశామన్నారు. ఇప్పటికే 6725 సౌర విద్యుత్ పంపుసెట్లను తొలిదశలో మంజూరుచేశారు. ఒక పంపుసెట్టు ఏర్పాటుకు 1.5 లక్షల సబ్సిడీని కల్పిస్తామన్నారు. 5 హెచ్‌పి పంపుసెట్టు ఏర్పాటుకు ఐదు లక్షలు ఖర్చు అవుతుందని, ఒక రైతు 11 శాతం వరకు ఖర్చు భరించాల్సి ఉందన్నారు. పెండింగ్‌లో ఉన్న 93 వేల వ్యవసాయ విద్యుత్ కనెక్షన్లను మంజూరు చేస్తామన్నారు. గత ఏడాది 62 వేల వ్యవసాయ విద్యుత్ కనెక్షన్లు మంజూరు చేశామన్నారు. వంద శాతం విద్యుత్ కనెక్షన్ల ప్రక్రియ పూర్తయిన తర్వాత ధ్రువీకరణ పత్రాలను ప్రజాప్రతినిధుల దృష్టికి తీసుకెళ్లాలన్నారు. ఈ విషయమై ప్రతి నెల 26,27 తేదీల్లో స్థానికంగా ఉన్న విద్యుత్ సంస్థలు సమావేశాలు నిర్వహించాలన్నారు. వచ్చే నెలలోగా అన్ని ఇండ్లకు ఎల్‌ఇడి విద్యుద్ధీపాల పంపిణీ కార్యక్రమాన్ని పూర్తి చేయాలన్నారు. త్వరలో కృష్ణపట్నం థర్మల్ విద్యుత్ ప్రాజెక్టు 800 మెగావాట్ల ప్లాంట్‌ను జాతికి అంకితం చేయనున్నట్లు సిఎం చంద్రబాబు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.